VICE MINISTRU JUSTISA PARTISIPA SEREMONIA ANIVERSARIU LORON INTERNASIONAL LABARIK


Lautem, Sua Excelensia Vise Ministru Justisa (Saka Timor) Partisipa Selebrasaun Aniversariu Loron Internasional Labarik, Sesta-feira ne’e, Realiza iha Salaun Sentru Kultural Lospalos.

Seremonia ne’e, dirigi hosi Vise Primeira Ministra i Ministra Solidaridade Social no Inkluzaun Dra. Armanda Berta dos Santos, partisipa husi Vise Ministru Justisa Dr. José Edmundo Caétano, Vise Ministru Edukasaun I Desportu, Vise Ministru Negosiu Estranjeiru no Koperasaun, Prezidente Institutu Defeza Direitu ba Labarik, PDHJ, UNICEF, Administrador Munisipiu Lautem, Komandante PNTL Lautem, Autoridade Local sira, Komunidades inklui labarik sira iha Munisipiu Lautem.

Governante ne'e hateten, "Governu Timor-Leste konsideira katak ho selebrasaun loron internasional ba labarik sira nian iha mundu tomak spesial iha Nasaun Timor-Leste, sai hanesan loron ne'ebé importante tebes ba labarik sira no ba futuru Governu sei esforsu liután atu nune'e bele kria Lei protesaun ba labarik nian tuir baze legál ne'ebé iha". Labarik sira mós tenki hetan domin husi inan ho aman no laiha deskriminasaun ba labarik sira, tenki promove no valoriza prinsípiu igualdade direitu nomós respeitu labarik sira nia dignidade, halo tratamentu ba labarik sira hotu ho di’ak, no edukasaun atu nune’e bele sai fini nebe diak iha nasaun ida ne’e.

Iha seremonia ne’e, Vise Ministru Justisa mos simu prekupasaun husi labarik sira mak hanesan dokumentus labarik sira nian hanesan sertidaun RDTL, Bileti identidade (BI). Vise ministru mos konsidera prekupasaun sira ne’e, no sei buka dalan atu solusiona problema refere. Komunidade no labarik sira mos kontenti rona Vise Ministru hateten sei lori notariadu ba iha base hodi fo atendimentu ba ita nia komunidade sira nebe iha area rural no remotas.

Iha biban ne’e mos, Vise Ministru Justisa hetan opotunidade hodi fahe premiu ba estudantes manan nain iha sertame. Ikus liu governante sira foto hamutuk ho labarik sira iha seremonia refere.

Arcanjo Viana das Neves
Media Gabinete Vice Ministru Justisa