Vise Ministru Justisa, Ivo Valente sai nudar orador ba Konferensia Internasional nebe halão iha Ministériu Negosiu Estrajeiru dia 5 toó dia 6 Dezembru 2012.

Eventu Internasional nebe organiza husi Ministériu Negociu Estrageiru, SEPI, PDHJ, Sekretáriu Komitte, CEDAW, Fundasaun Alola, Rede Feto, Fokupers, Estudantes, no IOM, konvida Vise Ministru Justisa, Ivo Valente atu koalia Tópiku Quadru Legal Nasional Konaba Trafiku Ema nian.

Vise Ministru Justisa, nudar orador iha nian Intervansaun Explika katak, Timor – Leste aprova ona konvensaun balun hanesan konvensaun Palermu, konvensaun kontra krime Trans – Nasional, nunee Timor – Leste iha obrigasaun atu asegura Normas Internasional sira nee iha nian quadru Juridiku Nasional.

Ohin loron Timor – Leste, iha konstitusaun nebe garante dignidade ema hotu nia, nunee mos Timor – Leste garante punisaun ba kriminozu sira nebe pratika krime trafiku humanu (tuir artigu 163 no 164 kódigu penal ).

Timor – Leste mos refere kastigu ba Explorasaun Sexual ba Feto ka Labarik sira, tuir artigu 174 no 175 kódigu penal.

Vise Ministru Justisa, nebe uluk assume kargu nudar Prokurador Jeral Republika Adjuntu neé, refere ba nia esperiensia balun, iha tinan 2007 wainhira halao estudu ba krime trafiku humanu, iha Estadus Unidus Amerika, realiza katak, Timor Leste persiza estuda no aprende experiensia sira husi pais seluk, hanesan mos Estadu Federal balun nian regulamentu ka lei nebe aplika iha Estadus Unidus Amerika.

Governu Timor – Leste, prepara ona proposta Lei ida nebe hakarak prevene no proteje Vitima husi Krime Trafiku Humanu.

Governu iha disponibilidade boot atu koopera, rona no simu ideias, sugestaun sira husi ajensia Internasional, sosiedade sivil, etc atu halo diak liu tan esbosu lei trafiku humanu nebe refere.

Vise Ministru Justisa, Ivo Valente sujere atu mos iha fundu Espesial ba protesaun ba Vitima husi Krime Trafiku Humanu.