Ministerio Justiça, Ministerio Edukasaun no Ministerio Saude selebra Loron Mundial Labarik nian iha GMT-Dili

Ministeriu da Justisa, Ministeriu Edukasaun no Ministeriu Saude, selebra loron mundial labarik nian iha GMT (Gedung Matahari Terbit) Dili, dia 1 de Junho 2009.

Aktividades selebrasaun loron mundial labarik nian sempre halao iha tinan-tinan.

Selebrasaun ba loron importante neé tamba Estdau Timor Leste ratifika ona konvensaun kona direitu labarik nian.

Selebrasaun neé halo rotasaun nudar responsabilidade hodi lidera komemorasaun ba tinan neé Ministeriu Edukasaun no apoio tomak mai husi Ministeriu da Justisa no Ministeriu Saude neébe defini tema sentral ba tinan ida neé nian maka “Ho loron nasional labarik, mai ita haburas no hametin direitu labarik nian liu husi imunizasaun no nutriente suplementár.” Direccãó Nacional dos Direitus Humanos e Cidadania (DNDHC) Ministeriu da Justisa, neébe simu knar tomak ba eventu hirak neé relasaun ba Direitus Humanus neébe involve direitamente hahu hosi inisiu preparasaun toó implementasaun.

Director Geral Ministerio da Justisa, Dr. Crisogno da Costa Neto neébe reprezenta Ministra da Justica iha nia discursu hateten, ’’ Ministeriu Justisa sente onradu tebes mai hamutuk ho labarik sira ohin loron hodi selebra Loron N asiona Labarik.

Ministeriu Justisa hakarak ajuda atu garante labarik Timor oan hotu hodi goza sira nia direitu tomak nudar labarik, iha selebrasaun neé, ita hotu hamutuk ho Ministeriu Edukasaun no Ministeriu Saude, oferese ba labarik sira no inan-aman sira hotu atu realiza labarik nia direitu sira.

Ohin loron Timor-Leste hahú Kampaña Multi Antigen ba Timor laran tomak atu salva labarik Timor-oan no feto sira nia moris liu husi, vasina ba labarik tinan lima mai kraik atu proteje sira hodi hasoru sarampo no vasina ba labarik feto no feto sira ho idade tinan sanulu resin rua toó tinan hat nulu resin lima (12 toó 45 anos) ba imunizasaun Tetenus.

Kampaña ne’e mos ajuda Timor-Leste atu aumenta liu tan oportunidade sobrevivensia labarik sira nian no proteje feto sira nia bebe neébe foin moris atu ses hosi moras Tetanus mak perigu no redus Anemia ba labarik feto sira. Kampaña ne’e mos nudar ajuda ba Timor-Leste atu hametin nia komitmentu ba Konvensaun Direitu Labarik nian.

Tuir observasaun hakerek nain, hatudu katak partisipantes neébe mai hosi ministeriu tolu neé mais ou menus ema besik 2.000 inklui labarik no membru governo sira. Serimonia neébe refere ho nia objektivo oinsa atu prevene saude no hasae kapasidade ba labarik sira no atu proteje feto no bebe sira neébe foin moris.

Aktividade neé realiza tamba serviso hamutuk entre ministeriu tolu no ajensia internasional no nasional UNICEF, WHO UNMIT, NGO Ba Futuru no Criansas das Unidas. Durante aktividade neé lao, husi parte Ministerio Saude simbolikamente halo vasina ba labarik nain lima, neébe asiste diretamente husi embaisador Japaun ba Timor Leste, Reprezentante UNMIT, UNICEF, WHO, Vice Ministru Edukasaun, Secretario Estadu Kultura no Director Nasionais sira.

Tuir planu Ministeriu Saude, kampanha imunizasaun sei kontinua iha teritoriu tomak hodi asegura direitu labarik nian ba iha imunizasaun no nutriente suplementár.





Juvinal da Purificação

Asistente Ofisial da promosaun e de Monitorizasaun das Direitos Humanos-DNDHC