Enkontro Vice Ministro Justica TL ho Procurador Geral da Republica Brasil Iha Brasilia

Brasilia, iha Loron, 03 Julho 2013, oras tuku 15.00, halao visita no sorumutu ho Procurador Geral da Republica Brasil nian, Dr.Roberto Monteiro Gurgel Santos, PGR nee, simu iha nia gabinete, pizu 4, ho amizade, VMJ –TL Ivo Valente, informa objectivu visita delegasaun nebe nia lori mai Brasil durante loron hirak, hodi hare besik serviços sector Justica iha Brasil, akresenta mos desenvolvimento nebe Timor -Leste atingi ona iha sector Justisa, nune mos, informa katak, ohin loron, sektor Justisa lao diak, mesmo nune, persiza hadia nafatin kapasidade rekursus humanus (agentes, autor Judicial nian) iha TL, koperasaun ho Brasil barak ona iha área Defensoria Publika, Vice Ministru Timor - Leste nee mos agradese ba Procuradoria Geral da Republica Brasil nian, tamba fo apoius barak ona ba estabelecimento instituisaun Justica iha TL, hanesan haruka autor judicial, Juizes, Procuradores no defensores Publicos ba TL, iha inicio Independensia TL nian, sorumutu ne lao ho situasaun nebe nakloke tebes, tamba VMJ wainhira informa ba PGR Brasil, katak nia (VMJ –Ivo Valente) mai husi kareira Procuradoria, no konese Procuradores Republica Brasileiro nain 3 nebe halao serviço iha PGR Timor - Leste, aprende buat barak husi Procuradores Brasileiros, kontribuisaun Governo Brasileiro, lori beneficio positivu tebes ba Povu Irmao Timor - Leste.

Procurador Geral da Republica, nudar ema nebe sente katak Timor-Leste nudar pais irmão nebe dook tebes, maibe sempre iha povo Brasil nia fuan, deklara katak, PGR odamatan nakloke ba formasaun quadros Procuradores Timor - Leste wainhira TL persiza, nune iha PGR Brasil, iha Eskola Superior ida nebe bele forma Procuradores sira, VMJ hatan ba ida ne, hodi hatoo katak, Timor - Leste apresia no agradese ba Atensaun, nune sei fo hatene ba Procurador Geral da Republica Timor - Leste foun Dr.Jose Ximenes, wainhira fila ba Timor - Leste.




Honorio dos Santos
Gabinete Vise Ministru Justisa
Media Officer