Maputo - Iha loron 25-26 Julho 2013, delegasaun Governo Timor-Leste, ne’ebe xefia husi Ministro Justisa, Dr. Dionísio Babo, partisipa iha sorumutu ba dala III Instituisaun Publika iha Nasaun Lian Portuguesa nian (RIPAJ), iha sidade Maputo-Mozambique.Sorumutu ne’ebé hala’o durante loron rua ne’e, diskuti asuntu oin-oin ne’ebé aktualmente afeta ba Estado Lusófonos konaba seitor refere, konta-mos ho intervensaun offisial Ministro Agrikultura ne’ebé reprezenta Sr. Primeiro Ministro Mozambique, Dr. Alberto Vaquina iha sessaun abertura. Durante sessaun abertura, Sra. Ministra Justisa Mozambiquena, Dra. Benvinda Levi, hato’o mos nia palestra ne’ebé fó benvimdo no kongratula partisipantes sira.

Hafoin sessaun abertura iha loron 25 Julho 2013, partisipantes sira halo analiza klean ba relatoriu atividade ne’ebé aprezenta nomos iha tempu hanesan haoo debate no aprovasaun ba “Akordo konaba Benefisiu husi Justisa Gratuita nomos Assistensia Judisial Integradu no Gratuita entre Membros RIPAJ nian”.
Tuir mai, sorumutu diskuti mos asuntu ho tema ‘As Parcerias Público - Privadas na Assistência Jurídica aos Cidadãos Carenciados’, ne’ebé aprezenta husi Mozambique, no diksuti mos tema konaba “A Escola da Defensória Pública – a Experiência Brasileira”, ne’ebé aprezenta husi Brazil, ne’ebé sai hanesan konkluzaun ikus ba sesaun enseramentu husi sorumutu ne’e.

Iha Sexta-feira, 26 Julho, Sr. Ministro Babo ho nia delegasaun ba vizita mos sede Delegasaun IPAJ iha capital Mozambique, esquadra polisia ne’ebé atende feto no labarik, inklui vizita ba Palácio de Justiça Mozambique, hodi hare besik liu tan nia funsionamentu.

Iha sorumutu ne’e, Ministro Justisa, Dr. Dionísio Babo, hatete iha nia intervensaun katak simu formalmente ba konvite husi organizasaun ne’e (RIPAJ) atu sai mos hanesan Estado Membro. Sr. Ministro Babo mos sublinha liu tan katak, iha aspeitu asistensia judicial, Timor Leste ho nia esforsu tomak hahú kedas iha 1999 ne’ebé koordena husi Defensoria Pública, hanesan parte ida husi Ministério da Justiça.

Delegasaun Timor Leste kompostu husi Dr. Dionísio Babo, Ministro da Justiça; Dr. Sergio Hornai, Defensor Público Geral; inklui Dr.C ancio Xavier, Defensor sei fila hikas mai Timor Leste iha loron Segunda ne’e.

Hanesan membru husi organizasun CPLP maka Portugal, Brazil, Angola, Mozambiqeu, Cabo Verde, São Tome e Principe, Guiné-Bissaun no Timor-Leste.