Atu haklaken espiritu husi Konvensaun Direitus Labarik (KDL) nian hodi promove no proteje direitu labarik nian, Ministério da Justiça liu husi DNDHC no suporta husi UNICEF hala’o seminariu nasional ida iha Dili hodi koalia kona ba KDL nia lalaók iha Timor Leste inklui Relatóriu ba dala uluk (initial report) Estadu Timor-Leste nian kona-ba KDL hafoin ratifikasuan iha 2002 liu ba. Semináriu ne’e rasik hala’o iha loron 20 Novembru 2007 ho partisipasaun husi membros do Governo, sosiadade sivil no funsionariu tomak iha Ministério Justiça nia laran. Hanesan orador ba semianriu ida ne’e maka : António Gomes (UNICEF), Joaquim Fonseca (Assessor Sosiadade Sivil ba PM no autor neébé hakerek relatoriu KDL) no João Pequinho (Direitor Forum Tau Matan no representante sosiadade sivil ba hakerek relatoriu sombra KDL nian). Seminariu loron ida ne’e loke ofisialmente husi S.Exa. Drª. Lucia Lobato, Ministra da Justiça.