Reforma ba Rejisto Komersial

Português | English

Iha âmbito ba Memorandum Entendimento hala’o hosi Ministério Justisa ho organizasaun Internasional "International Finance Corporation" (pertense ba Grupu Banku Mundial), ho haré atu hadi’ak ambiente komersial Timor ninian ho mos hafunan hodi habelar nia kresimentu ekonómiku, tama ona iha implementasaun programa reforma ida kona ba habadak burokratizasaun hodi simplifika prosedimentu ho relasaun ba rejistu komersial, ne’ebé kompreende sasukat lejislativu ho administrativu barak hosi prosedimentu sira ne’e, nune’e mós informatizasaun hosi servisu rejistu komersial iha Dili (Departamentu Rejistu Públiku Diresaun Nasional Rejistu ho Notariado).

Oras ne’e dadauk, hala’o hela konsulta públika kona reforma ne’ebé koa-lia dadauk, sei fo sai ba sidadaun sira atu halo apresiasaun, ba empreza sira, ho iha forma jeral, ba interesadu sira hotu atu bele hakiak ambiente ida ne’ebé diak liu ba bisnis iha Timor-Leste, medida lejislativa sira ne’ebé fo-sai iha okos, ho haré ba apresiasaun hosi nia konveniênsia ho/ka ba apresiasaun kona ba sujestaun ba aperfeisoamentu ka reformulasaun.

Liu tan hosi sujestaun sira ne’e, ami konvida interesadu sira hotu-hotu atu aprezenta sira nia sujestaun ka proposta sira kona ba sasukat lejislativa sira seluk atu promove iha âmbitu reforma ne’ebé refere, ka reklamasaun simples ruma kona ba funsionamentu servisu públiku ne’ebé iha ligasaun ba-mai ho sira.

Sujestaun, proposta ho reklamasaun sira hotu bele hatama tuir email, ba diresaun joao.moucheira@mj.gov.tl , to’o loron 28 fulan Maiu tuir mai.

Sei hetan resposta iha tempu lolós, ba sujestaun, proposta ho reklamasaun sira hotu ne’ebé hato’o hosi interesadu sira iha prosesu konsulta públika ida ne’e.

Atu asesu sasukat lejislativa klik iha versaun Tetum

Download Versão Português | Download English Version