Dili-Ministru Justica,Dionisio Babo partisipa iha lansamentu Organizasaun Haktanek Direitu Sidadaun (HDS),neébe hetan finanseiru husi Organizasaun Internasionl Caritas Australia,lansamentu neé halaó iha Otel Lux Kalarita Quita feira (10/09)
Iha lansamentu nee’Ministru Justica,Dionisio Babo hateten katak governu liu husi Ministeriu Justica odomatan nakloke ba organizasaun nasional no internasional neébe hakarak halo parseria ho governu liu-liu iha seitor justica nian.
“Agradese tebes ba organizasuan Caritas Australia neébe iha bontade diak hodi apoiu tan organizasaun foun ida neébe ho nia objektivu atu fo apoiu intermus finanseiru hodi ajuda seitor justica nia iha Timor Leste liu-liu ba prrizoneirus sira iha Prizaun”Dehan Ministru Justica,Dionisio Babo
Ministru Mos informa tan katak Parabens ba organizasaun Haktanek Direitu SIdadaun (HDS) foun nee’be ohin halo lansamentu ho hanoin diak atu ajuda ita nia maluk prizoneirus sira neébe mak agora iha prizaun oinsa atu bele fo kapasitasaun ba sira iha Prizaun atu nune aban bain rua fila ba sosiadade sira mos bele kontribui ba dezenvolvimentu iha paiz ida neé.

“Ministeriu Justica prontu no kopera hamotuk ho Organizasaun sira hotu ne’bee iha interese atu servisu hamotuk inportante mak ita tenke iha kordenasaun no servisu hamotuk e agora mos sistema atu tama iha prizaun hodi halo atividade ka atu vizita sistema neé muda oituan banhira atu tama tenke cek sasan saida mak ita boot sira lori hanesan telemovel tenke rai hela hotu iha liur”dehan MJ
Prezidente Organizasaun Haktanek Direitur Sidadaun (HDS) Jose Aquilino hateten mos katak agradese tebes ba Ministru Justica,nia prezensa iha lansamentu ba organizasaun foun ida neé neé hatudu pasu pozitivu ba organizasaun katak govenru liu husi Ministeriu Justica iha bontade boót atu kolobora no servisu hamotuk ho organizasaun ida neé.
“Lori organizasaun HDS nian naran fo agaradese tebes ba Ministru Justica,Dionisio Babo neébe iha disponibilidade bele marak prezensa iha serimonia lansamentu ida neé”Dehan Direitur HDS.