Dili, Delta Nova, Vise Ministru Justisa, Ivo Valente, núdar mos Presidente BOARD ba organizasaun Nao Governamental (NGO) JSMP, (Judicial System Monitoring Program), oficialmente loke/halao abertura Seminário Nasional, ho topiku Asesu ba Justisa, nebe partisipa husi Advogados nasional no Internasional, Defensores publiku, sosiedade sivil, Primeira Dama Dra. Isabel Fernandes, membro PNTL, Procuradores no juizes balun..

Vise Ministru ba Justisa, Ivo Valente, apresia e agradese ba partisipasaun husi oradores sira, hanesan Defensoria publika Dr. Sergio Hornai, Dekan Fakuldade Direitor UNTL Dr. Tome Xavier, Advogado privado Dr. Pedro Camoes, Presidente komisaun A Parlemento Nasional Sr. Antonino Beanco, Director Eksekutif JSMP Dr. Luis Sampaio, no mos representante Advogados Timor – Leste, (AATL).

Apresentasaun relatório husi Director Eksekutif JSMP Dr. Luis Sampaio, konaba relatorio halao semenário e fo apoiu husi UNDEF (The United Nations Democracy Fund), objectivo deselvonvel politiku liu husi judisiaria.

Hanesan Presidente BOARD, JSMP nian, Vise Ministru Justisa, Ivo Valente realsa katak importansia husi Seminario Nasional ida ne maka, núdar mekanismu ida ba Estado bele asesu ba juatisa iha area rematos ka povu mukit sira, bele hetan/simu informasaun sira husi fontes oin-oin, liu-liu husi partes hotu (oradores), importante atu rona mos orador, nia konaba normas/padraun, pratikas, politika husi sektor justisa.

Iha parte lokraik oras 15:00, Vise Ministru Justisa, Ivo Valente sai núdar orador ba semenário ne ho topiku, Politika Ministeriu Justisa atu asegura justisa ba desigualdade itermos ita nia kbit ba ita nia justisa, ba povu mukit, alejadu..etc. Vise MJ mos explika konaba knar Ministeriu Justisa iha V governu konstitusional, regulamentu leis ba rai.

Semenário ne, termina ho agenda pergunta no hataan, nebe mosu barak liu konaba Asesu ba Justisa iha areas remotas neba, to agora povu mukit sira seidauk hetan justisa.

Hein katak, partisipantes sira bele fo hanoin/ideias no sujestaun konstrutivas publiku iha semenário ne atu bele hadia frakesa iha Ministeriu Justisa, loron 23-04-2014.