Tribunal Distrital Dili Autoriza Lucia Lobato sei Halo Tratamentu iha Singapura

Dili-Kondenada Lucia Lobato sei halo tramentu Saude iha Singapura bazeia ba desizaun Tribunal Distrital Dili ne’ebe hasai ona tuir Nuc No 2039/10/PDDil no Proc 508/11/TDDIL data 16/07/2014. Decizaun ne haktuir deit surat hosi Ministro de Saude nebe ho baze iha analiza m’edico hosi médiku sira no mos doutor husi Hospital referal Baucau nebe rekomenda atu fasilita rekluza Lucia Lobato ba halo tramentu saude iha Ospital Elizabeth Singapura.

Tuir Ministro de Saúde moras ne’ebe pasiente infrenta iha indicasaun nebe labele hetan tratamento iha Timor-Leste. Rekomendasaun ida ne hodi hatur lolos fali decizaun ida uluk nebe médiku sira hatete katak rekluza Lucia Lobato nia moras bele trata iha liu no mos iha Timor-Leste.

Hospital Referal Baucau mos husu atu tranfere pasiente Eis Minstra Justica ne iha ospital Elizabeth Singapura, tanba fasilidade iha Timor-Leste seidauk sufisente. Antes ne, Hospital Baucau halao ona operasaun ba Kondenada nia moras no hasai konkluzaun katak iha indikasaun makaas katak kondenada Lucia Lobato iha simptoma kankru.

Kondenada Lucia durante ne’e tama prizaun Gleno sempre halo tratamentu ba nia moras iha Hospital Nasional Guido Valadares (HNGV). Maibe iha semana liu ba, rekluza ne husu atu hetan tratamento hosi doutor iha Baucau nebe Doutor sira iha neba konsidera moras ne’ebe Lucia infrenta grave no presija halo kemotrapia iha Singapura.

Tribunal Distrital Dili liu hosi Juiz Julio Dantes husu atu suspende tiha kumprimento pena ba rekluza Lucia Lobato durante tratamento iha Singapura no bainhira nia fila mai Timor-Leste sei kumpri fali pena restante nebe sei falta. Minsterio Publiku liu hosi Secsaun Penal hasai karta P.580/2011.TDDIL iha loron 16 Julho 2014, nebe assina hosi official de Justisa Julio Nunes, responde pedidu Juis Julio Dantes hosi Tribunal Distrital Dili ho despaxo “NADA a OPOR”

Pedro Delfim
Gabinete Ministru Justisa
Media Officer