Lospalos, Viçe Ministro ba Justica Ivo Valente akompanha Director nasional Dr. Romao Guterres, Directora Terras Distrital Lautem Sra. Regina Rebeiro, Chefe departemntu iha ambito Ministeriu Justica, no ho autoridade lokais iha distritu Lautem, halo inaugurasaun ba edifisu dirasaun Terras e Propriedades distritu Lautem, loron 08 – 08 – 2014,(oras 15.00).

Intervensaun Viçe Ministro Justica hatete katak edifisiu ida ne sai uma mahon ba povu distritu Lautem hodi hetan nia direitu ba rai ka propriedade iha distritu Lautem, tamba ho edifisiu ne aban bainrua sei regulariza no legalizasaun sertifikadu ba rai ka propriedade estadu ou privado/ Lisan / komunidade iha distritu Lautem ne. Husu ba directora Terras distritu atu servisu hamutuk ho administrador,komadante PNTL distritu ho povu Lautem atu hare edifisiu ida nee, ho diak atu labele istraga, nune mos propoin iha orsamentu PDID tinan 2016 atu konstroe moru haleu edifisiu nee, tamba uma mahon nee nudar futuro povu Lautem nia, ema sei mai investe iha Lautem sei hakat mai edifisiu ida nee, hodi hare legalidade ba rai ka uma iha distritu ida nee, nune husu ba joven no komunidade distritu Lautem atu kuidado edifisiu nee.

Perzensa edifisiu foun ida ne fo koraje diak ba ita hotu, nudar responsalidade nebe ita simu povu nia osan atu servi sira ho diak. Ho edifisiu foun ida ne sei lori mos esperitu foun ba funsionarius sira nebe sei servisu iha laran, husu ba funsionarius atu servisu diak maske sei iha limitasaun barak ba ekipamentus apoiu ba servisu nian iha distritu sira. Foin dadauk iha enkontro ho Sua exelencia Primeiro Ministro Sr. Xanana Gusmao, iha Centro Convencoes de Dili CCD, fo hanoin mai ita hotu atu servisu badinas no husik tiha mentalidade DEIXA ANDAR/ Husik Lao ba, diak hela husik hela lai ba nia lao nafatin , noo muda mentalidade ida AT ne, ba hanoin no hahalok foun maka, FASSO HOJE / halo ohin kedas. Deixa andar bele iha sentidu, husik hela lai ba servisu sira nebe tuir los ohin ita halao hotu, maibe husik hela..budu hela, rai hela iha kaveta ka armariu ka meza leten ka ho liafuan seluk husik lai ba, servisu sira ne laos urgente atu trata ohin kedas, ba oin , Fasso Hoje, servisu ohin iha halo hotu kedas, aban hare fali servisu seluk, husu ba funsionarius sira atu servi uza liafuan/ mentalidade Fasso Hoje.

Hafoin diskursu Viçe Ministro ba Justica simbolikamente inaugura edifisiu dirasaun Terras e Propriedades liu husi assina plaka, noo tuir ho kúa fita husi directora distrital Sra. Regina Ribeiro ho director nasional Dr. Romao Guterres, Amo Paroko iha distritu refere sei halo Bensaun ba uma foun hodi lao hadulas iha uma laran tomak. Kontinua kúa bolu, loke champainha, ba jantar hamutuk, noó ikus liu divertimentu (dansa).