MJ Partisipa iha II Konfrensia Regional Judicial iha TP
Dili-Ministru Justica,Dionisio Babo partisipa iha II konfrensia regional judicial ne’ebe organiza husi USDOP-OPDAT,Bangladesh,no Timor Leste hodi koalia liu kona ba exame terrorisme perspektiva juiz nian,konfrensia ne’e hal’ao iha Timor Plaza Dili Quarta Feira (27/08).
Iha diskurusu Ministro Justica,Dionisio Babo hateten katak Timor Leste hanesan nasaun joven ida iha komprimisiu bo’ot atu kria sosiadade ida ne’ebe livre husi terorismu,Timor Leste nia konstituisaun RDTL mos fo grantia ba nia sidadaun hotu-hotu,e iha mos kodigu penal Timor Leste nian mos regula kona ba terorismu nian iha Timor Leste.
“Timor Leste hanesan nasaun joven ida ne’e mak foin ukun rasik a’an maibe iha kodigu penal Timor Leste mos regula kona ba terorismu e mos juis Timor oan sira mos sei esforsu nafatin hodi servisu makas atu bele kontra terorismu iha paiz hotu iha mundo inkului mos Timor Leste ”dehan Ministro Justica,Dionisio Babo hafoin diskursu iha II konfrensia ne’e.
Eis Komisariu CVA ne’e mos informa katak V Governu constituisional mos foin dadauk aprova tan ona Policia Senstitifika Investigasaun Criminal (PSIC) hodi ha’lao nia kanar ne’ebe epesifiku hodi kontra terorismu iha paiza Timor Leste,masek Timor Leste sei dauk akontese krimi terorismu maibe estadu tenke prepara ona rekursu liu-liu juiz sira hodi bele halo julgamentu ba krimi ida ne’e.
“tamba ne’e Timor Leste presija halo akordu ho nasaun sira seluk iha mundu hodi kontra kona ba krime ida ne’e Timor Leste mos foin halo koperasaun ho tribunal sira seluk liu-liu ba nasaun abansadu sira”.
MJ mos informa tan katak asuntu seiguransa ba iha tribunal sei esensial ba juiz sira no la iha seguransa ne’ebe seguru ba juiz sira hodi foti desizaun ba krime terorismu ne’e,
“Hau (MJ) fo apresiasaun ba Juiz sira hotu ne’ebe bele organiza konferensia ida ne’e iha Timor Leste fiar katak ho konfrensia ne’e bele diskuti hamotuk assuntu inportante ne’e entre juiz sira “
Iha konferensia ne’e partisipa husi Ministro Justica,Dionisio Babo akompanai husi Direitur DNAJL Nelinho Vital, Juiz internasional no nasional sira.
