SEMINARIU APRESENTASAUN ESTUDO SYSTEMA JUSTISA JUVENIL HUSI NOVA ZELANDIA

Dili, Viçe Ministru ba Justica Ivo Valente loke semenáriu ho topiku : Aplikasaun Pratika Diak ba Timor-Leste, partisipantes husi insitituisaun oin-oin, entre balun hanesan UNICEF ( Organizasaun ONU ba Direitu Labarik ), Sra. Antonia Lue deke (Chief Child Protechan), Juiz Tribunal Rekursus Dr. Deolindo dos Santos, Ministeriu Solidaridade Sosial Sr. Director Florencio, PNTL, Policia Nova Zelandia, Procurador Geral da Republica ( Procuradoria Distrital Dili ) Dra. Ivonia Guterres, ho partisipantes seluk husi SEFOPE no Sosiedade Sivil, semenáriu ne hetan apoiu husi UNICEF, iha salaun DNRN bebora, loron 23-09-2014.

Vice Ministru Justica Ivo Valente, iha nia diskursu sublinha importansia nebe hasai husi estudu komparativu ida ba Nova Zelandia iha fulan hirak kotuk ba, hodi hare possibilidade oinsa aproveita systema ruma iha Nova zelandia hodi aplika iha systema Timor–Leste nian, oinsa atu dezenvolve planu asaun justica Juvinil, iha oportunidade loron 7 hitu iha Nova Zelandia ( dia 24/31 de Maio 2014), hodi hare besik servisu Juvinil nian iha nasaun neba.

Vizita instituisaun sira iha sidade Welington, Palmerston North no Crish church Nova Zelandia, akresenta mos konaba planu oinsa estabelese mekanismu koordenasaun entre Ministeriu sira, liu-liu importansia husi papel kada Ministeriu nia oinsa protége no assegura systema ida integradu hodi hari Justica Juvenil ida diak liu ba Timor-Leste.

Iha parte loraik tuku 14:00, Viçe Ministru ba Justica Ivo Valente halo apresentasaun konaba servisu durante iha Nova Zelandia, buat barak hare iha nasaun Nova Zelandia, bele implementa iha Timor-Leste, hanesan systema konferencia familiar, systema prizaun ba joven ho konflitu, solusaun liu mekanismu tradisional, etc.

Sesaun ikus iha husu no hata an, husu barak liu konaba lei juvinil atu bele implementa iha nasaun Timor-Leste, tamba labarik barak agora dadauk abandonado iha estrada, laiha uma no laiha atensaun husi Inan, Aman, no Estadu.

Oinsa fortifika Systema Justica ba labarik/joven iha Estadu Timor-Leste, liu husi assaun konjuta entre Instituisaun sira Estadu nian, hanesan Ministeruiu Justica rasik, papel prizaun, Ministeriu Solidaridade sosial, Edukasaun, SEFOPE, no Saude.

Viçe Ministru Justica Ivo Valente halo enceramento iha tuku 17:00, break kafe no fahe malu.

Honorio dos Santos
Gabinete Vise Ministru Justisa
Media Officer