MINISTRU JUSTISA SIMU VIZITA HOSI INTERNATIONAL BAR ASSOCIATION

Dili, loron Sesta-Feira 06 Marsu 2015, tuku 09:30 dadersan, Ministru Justisa Ivo Valente simu vizita hosi International Bar Association (IBA) Alex Wilks ne’ebé akompaña hosi Presidente Conselho de Gestão e Disciplina da Advocacia Nelinho Vital iha Gabinete Ministru Justisa, Kaikoli, Dili.

Enkontru ho durasaun kuaze 30 minutu ne’e hodi koalia meius tulun ne’ebé mak IBA atu fó ba assosiasaun advogadu privadu-sira iha Timor-Leste. Vizita International Bar Association, Alex Wilks hosi London (Inglaterra) mai iha Ministériu Justisa hodi hato’o sira-nia meius tulun ba assosiasaun advogadu privadu sira, apoiu tekníku ba Bar/ Orden Advogadu Timor-Leste nian, hateten Ivo Valente.

Ministru Justisa hateten mós katak, oportunidade ne’e importante tebes, tanba International Bar Association sei oferese formasaun ba advogadu sira, hodi nune’e ita-nia advogadu sira bele hetan oportunidade hodi kapasita an, ho nune’e bele sai parte hosi assosiasaun internasionál advogadu iha futuru.

Ikus liu, Ministru Justisa hato’o nia agradesimentu ba Alex Wilks ne’ebé mak mai halo vizita iha Ministeriu Justisa no oferese apoiu hosi International Bar Association (IBA).

Honorio dos Santos
Gabinete Ministro da Justiça
Media Officer