DILI – Kuarta-Feira, loron 22 Abril 2015, oras; 09:00 dadersan; Ministru Justisa Ivo Valente simu reprezentante UNDP Timor-Leste, Carla Vendinha, Ahmad Salari (Xéfi Interinu Programa Justisa) no João Pereira (Xéfi Interinu Unidade Governasaun).

Reuniaun ne'e koa'lia kona-ba possibilidade kooperasaun setór justisa entre Ministériu Justisa ho United Nations Development Programme (UNDP) ihaTimor-Leste.

Ministru Justisa Ivo Valente fó-nia apresiasaun ba UNDP tanba fó nafatin asisténsia ba iha setór justisa, Timor-Leste agradese ho apoiu ájensia internasionál sira iha Timor-Leste.

Iha reuniaun ne’e;UNDP,João Pereira (Xéfi Interinu Unidade Governasaun) halo aprezentasaun programa posivél ne’ebé mak sei hetan tulun hosi UNDP, relasaun ho Konsellu Koordenasaun Justisa, háforsa meius mediasaun disputa rai iha nivél rurál, Teknolojia Informatika, meius apoiu ba Polísia Sientífika ba Investigasaun Kriminál (PCIC),Sentru Formasaun Jurídika (CFJ), Tribunál Movél, etc.

Reuniaun ne’ebé di’ak tebes, háberan hanoin di’ak sira no hodi ensera reuniaun ne’e, S.E. Ministru Justisa promete atu iha diskusaun tuir mai.