MINISTRU JUSTISA RDTL PREZIDE KONFERÉNSIA HO MINISTRU JUSTISA NASAUN SIRA NEBE LIAN OFISIÁL PORTUGUESA BA DALA XIV

DILI - Ministru Justisa Repúblika Demokrátika Timór-Leste, Ivo Valente preside konrerénsia Ministru Justisa nasaun sira ho lian ofisiál Portuguesa ba dala XIV durante loron rua iha Ministériu Negosiu Estranjeiru no Kooperasaun (MNEK) Dili, iha loron 22-23 fulan Juñu tinan 2015.

Iha konferensia ba dala XIV iha Timor-Leste ho tema prinsipál “Propriedade ba rai nu’udar fatór dezenvolvimentu”tema ida ne’e importante ba países CPLP atu desenvolve komunidade iha ámbitu paises ho lingua ofisiál Portugues nian.

Durante konferénsia, meja sei rona apresentasaun rezultadu servisu husi komisaun servisu nian husi konferénsia ne’ebe hala’o uluk ona iha Mauputo, ne’ebé ho rezultadu mak hanesan;Tráfiku Sériu Umanu no Korrupsaun Tranzasaun sira Internasionál nian.

Iha konferénsia ne’e Ministru Justisa RDTL nu’udar Prezidente rona esperensia sira husi nasaun sira ho lian ofisiál Portugues liu husi apresentasaun nasaun ida-idak kona-ba sistema kadastru nasionál inklui Timór-Leste rasik, halo apresentasaun kona-ba Sistema kadastru nasionál liu husi Diretór Nasionál Terras Propriedade no Servisu Kadastrais (DNTPSC), Romão Guterres.

Ministru Justisa Repúblika Demokrátika Timór-Leste, Ivo Valente ba jornalista sira hateten” Timór-Leste foti tema Propriedade ba rai nu’udar fatór dezenvolvimentutanba hare ba Timór-Leste nia esperiénsia, hahú husi restaurasaun independensia iha tinan 2002, ema barak mak intersadu atu mai investe liu liu investementu internasionál sira, ne’ebe mak hakarak investe, maibe ema barak sei preokupa ho ita nia lei propria ba rai ne’ebe seidauk iha.

Ne’eduni tema ida ne’e importante atu rona esperensia países CPLP sira seluk nian liu liu sira ultra pasa tiha ona hafoin kolonializasaun Portugues iha sira nia rai ultra pasa mós problema kona-ba rai.”

Iha konferénsia ne’ebé loke husi Primeiru Ministru, Rui Maria de Araujo ne’e asiste mós husi membru governu Timór-Leste balun ne’e, Ministru Justisa, Timór-Leste hatutan liu tan” Timór-Leste sei apriende barak no apriende husi ita nia nasaun sira, irmaun sira ne’ebe mak iha mós esperensia hanesan ita, konserteza ita iha istoria ida diferente oituan ho sira, entaun ita apriende ne’e halo komparasaun hotu hodi hare oinsa halo diak liu tan kona-ba ita nia esbosu ba lei sira ne’ebe mak sei mai iha future.”

Konferénsia Ministru Justisa ho lian ofisiál Portuguesa CPLP ne’e forum deside Ministru Justisa RDTL, Ivo Valente nu’udar Prezidente no Diretór Nasionál Asesoria Juridíka no Lejislasaun (DNAJL) nu’udar Sekretaria Jerál durante tinan rua (hosi 2015 – 2017).




João Maupelo da Costa
Ofisiál Relasaun Públika
Ministériu Justisa