MINISTRU JUSTISA TUIR SEMINÁRIU THE ASIA PACIFIC DEMOCRAT UNION IHA MELBOURNE

MELBOURNE, AUSTRALIA – S.E. Ministru Justisa Ivo Valente partisipa iha Semináriu Asia Pacific Democrat Union iha Melbourne, Australia. Semináriu ne’e halibur nasaun lubun ida hodi diskute sistema demokrasia ne’ebé la’o iha nasaun ida-idak iha rejiaun Ásia Pasífiku hodi loron 25 to’o 28 fulan-Juñu 2015.

Ministru Justisa Ivo Valente informa katak, “Semináriu ne’e halibur polítiku-nain famouzu sira iha rejiaun Ásia Pas, líder partidu polítiku hodi koalia kona-ba sistema demokrasia ne’ebé la’o dadaun iha nasaun sira iha rejiaun Ásia Pasífiku, nune’e mós fahe esperiénsia ba malu kona-ba implementasaun sistema governasaun demokrátiku iha rejiaun ne’e.”

Aliénde diskute sistema demokrasia mak la’o iha rejiaun Ásia Pasífiku, rona vizaun forte ba lalaók demokrátizasaun iha rai ida-idak nian, no diskute prosesu eleisaun jerál nian, mekanismu kampaña iha eleisaun jerál no “oinsá” mak eskoilla deputadu sira no mós forma governu; esplika Ministru Justisa.

Semináriu Asia Pacific Democrat Union iha Melbourne ne’e partisipa hosi nasaun hirak mak hanesan; Australia, New Zealand, Solomon Island, Papua New Guine, Fiji, Srilangka no Timor-Leste. Relasaun ho semináriu ida ne’e, akontese regularmente kada tinan no Timor-Leste sempre foti parte ba eventu importante ida ne’e.

João Maupelo da Costa
Ofisiál Relasaun Públika
Ministériu Justisa