MINISTRU JUSTISA SIMU VIZITA KORTEZIA COUNTRY DIRECTOR FOUN PNUD IHA TIMOR-LESTE

DILI –Kuarta-Feira, loron 12 fulan-Agusto 2015, S.E. Ministru Justisa, Ivo Valente, simu vizita kortezia hosi Country Director Foun Programa Nações Unidas nian ba Desenvolvimentu (PNUD) Timor-Leste, Sr. Claudio Providas iha Ministériu Justisa, Dili.

Vizita kortezia ne’e atu introduz no aprezenta Country Director PNUD foun Timor-Leste nian ba Ministru Justisa.

Ministru Justisa, Ivo Valente fou-foun hato’o nia bem-vindu ba Country Director foun PNUD, no hato’o nia apresiasaun ba kolaborasaun ne’ebé PNUD Timor-Leste hala’o durante ne’e ho Governu, espesialmente ba Ministériu Justisa.

Ministru Justisa mostra nia expressaun amijavél, “ha’u hakarak hateten, Ministériu Justisa sei koopera di’ak ho programa PNUD nian ne'ebé mak sei hala'o iha Timor-Lesta hodi melhora dezenvolvimentu setór justisa em-jerál. Tanba-ne'e, ita sei hamutuk, Governu no parseiru dezenvolvimentu sira sei hamutuk hodi melhora servisu justisa nian di’ak liután ba iha futuru.”

Evangelino Belo
Xéfi Gabinete Ministru Justisa
Ministériu Justisa