REPÚBLICA DEMOCRÁTICA DE TIMOR-LESTE

REPÚBLICA DEMOCRÁTICA DE TIMOR-LESTE

CIRCULAR

1/2010/D-ADMIN

Fo hanoin fila hikas procesu selu servisu estraordináriu nebe estabelese tia ona Marsu/2009.



Funsionáriu nebe'e simu salariu iha direitu atu simu pagamentu ba servisu estraordináriu ("overtime"). Direitu ida ne'e mai husi Estatuto Funsaun Publika, Lei n° 8/2004, 16 Juñu, Artigu 71, n° 1. Artigu 71, n° 2 hateten mós katak atu hala'o servisu estraordináriu ida presiza hetan autorizasaun husi xefia antes hala'o servisu estraordináriu. Rezolusaun Parlamentu Nasional n° 2/2009 data 25 Fevereiru 2009, n° 13 nó n° 14 estabelese kondisaun ba direitu pagamentu servisu estraordináriu.



Funsionáriu nebe'e halo servisu estraordináriu sei tuir prosedimentu hirak tuir mai:



1. Funsionáriu só bele halo servisu estraordináriu bainhira hetan autorizasaun ka rekizisaun husi Xefe Divisaun nian.



2. Prosesamentu ba servisu estraordináriu sei halo liu husi formuláriu iha anexu.



3. Pagamentu ba servisu estraordináriu tenki tuir Rezolusaun Parlamentu Nasional n° 2/2009 data 25 Fevereiru 2009 (n° 13 nó n° 14). Tan ne'e, pagamentu ba servisu estraordináriu sei halo tuir mai:



(i) Segunda até Sexta: simu ba servisu estraordináriu depois tuku walu kalan

(ii) Sabadu, Domingo nó loron feriado: simu ba servisu estraordináriu horas servisu tomak



4. Durante loron servisu Segunda até Sexta, oras servisu entre tuku 5 ho balu lokraik (5:30 pm) até tuku walu kalan (8:00 pm) la iha pagamentu ba servisu estraordináriu tuir Rezolusaun Parlamentu N° 2/2009.



5. Pagamentu ba servisu estraordináriu sei baseia ba oras servisu efektivu, laós ba estimativa oras mak hakerek iha formuláriu pedidu autorizasaun.



6. Xefe Divisaun sira tenki sosializa Sircular ida ne'e ba sira nia funsionáriu.



Dili, 01 Juño 2010





Diretora Administrasaun





Dra. Angelina Machado de Jesus