REPÚBLICA DEMOCRÁTICA DE TIMOR-LESTE

REPÚBLICA DEMOCRÁTICA DE TIMOR-LESTE

DESPACHO

4/Dpx-Pres/CNE/IV/2008

Jestaun Orsamentu Instituisaun CNE nian



Hanoin katak:



1. Importante tebtebes atu iha mekanisme ida neebe bele garante ho diak seguransa ba orsamentu instituisaun CNE nian;



2. Importante tebtebes atu iha transparansia no akuntabilidade saudavel ida ba jestaun orsamentu CNE nian;



3. Importante tebtebes atu iha kontrolu kontinu no informadu bebeik kona-ba movimentu osan (tama no sai) instituisaun CNE nian;



Hatitu ba:



1. Lei-Inan (Konstituisaun) RDTL nian, neebe hatur estatutu CNE nian nudar orgaun independente ida ho mandatu atu tau matan ba aktu eleitoral saida deit mak halao iha nasaun nee, ba eleisaun jeral ka ba eleisaun lokal (Artigo 65.6);



2. Lei Numeru 5/2006 kona-ba orgaun eleitoral sira, neebe hatur katak: CNE nudar orgaun eleitoral neebe independenti husi orgaun poder politiku saida deit, sentral ka lokál, no goza autonomia finanseira, administrativa no organizativa (Artigu 4.2) ... katak membru CNE nian sira hanesan inamovíveis no independente wainhira hala’o ninia mandatu (Artigu 6.1) ... A CNE é apoiada por um secretariado permanente e dispõe de orçamento próprio, integrado no Orçamento do Estado, nos termos da lei (Artigu 11.1);



3. Decreto Parlamento Nacional No. 10/2007, kona-ba Orçamento Geral do Estado da República Democrática de Timor-Leste para 2008;



4. Dekretu-Lei No. 10/2005, kona-ba Rejime Júridiku Aprovizionamentu nian;



5. Rejimentu Internu Comissão Nacional de Eleições (CNE), kona-ba orsamentu, neebe hatur katak ...5. Todos os movimentos financeiros da CNE serão levados a cabo de forma transparente e do conhecimento comum a todos os membros, através de relatórios e reuniões periódicas e/ou extraordinárias sempre que se considere necessário.



6. A CNE tem uma conta bancária própria aberta em nome de três membros da Comissão. Quaisquer movimentos bancários exigem obrigatoriamente a assinatura de pelo menos dois desses membros, sendo uma delas, a do presidente.



7. As finanças da CNE estão sujeitas a auditoria interna e externa. (Artigu 34);



6. Plenaria CNE;



7. Despaxu Prezidente CNE No. 02/Dpx-Prez/CNE/IV/2008, kona-ba Hari Ekipa Autditoria Internal CNE.



Hare ba:



Planu orsamentu CNE nian ba Anu Fiskal 2008, neebe hatur programa sira CNE nian hamotuk ho aktividade sira relasionadu tomak, neebe hot-hotu implika ezekusaun no movimentasaun (tama no sai) orsamentu;



Prezidente CNE hasai Despaxu hanesan tuir mai nee:



Dahuluk : atu loke Nota Bankaria CNE nian ida rasik, neebe ho asinatura komisariu/a nain tolu nian;



Daruak : orsamentu CNE nian tomak tenki rai iha Nota Bankaria CNE nian;



Datoluk : movimentu osan, liliu atu hasai, hosi Nota Bankaria CNE nian tenki ho check, no nee tenki ho asinatura minimal ema nain rua nian, inklui asinatura Prezidente CNE nian;



Dahaat : kada hasai osan hosi Nota Bankaria CNE nian nee tenki iha esplikasaun ka justifikasaun hosi pesoal responsavel no ho koñesimentu devidamente hosi Prezidente CNE;



Dalimak : kontrolu ba movimentu osan CNE nian sei halao liu hosi relatoriu fulan-fulan kona-ba ninia balansu, no nee sei aprezenta hamotuk ho (rekening koran) imprimidu hosi banku;



Daneen : fula-fulan, pesoal hosi Divizaun Finansas nian tenki prepara no hatoo relatoriu kona-ba movimentu osan (tama no sai) iha Nota Bankaria CNE nian nee, hamotuk ho aneksu (rekening koran) hosi banku mak rai osan nee ho resibus gastus hotu, ba Prezidente CNE, antes atu aprezenta iha Plenaria CNE, atu nunee komisariu/a sira sempre akompaña, hatene no apar ho kondisaun finansiamentu CNE nian;



Dahituk : despaxu nee hahu tama ein vigor desde loron fo sai ho ambitu retroaktivu;



Daualuk : karik iha ezizensia ruma despaxu nee sei bele hare fila hikas hodi halo amandamen



Despaxu nee hasai iha Dili, iha loron 30 Fulan-Abril, Tinan 2008





Prezidente CNE,







DR. Faustino Cardoso Gomes,MSi.