REPÚBLICA DEMOCRÁTICA DE TIMOR-LESTE

REPÚBLICA DEMOCRÁTICA DE TIMOR-LESTE

DIPLOMA MINISTERIAL

1/2008

KONA BA ASSEMBLEIAS LOCAIS



Diploma Ministerial ida ne'e revizaun husi Diploma Ministerial No. 8/2005 kona ba Assembleias Locais ne'ebé fo-sai husi Ministério da Administração Estatal iha 2005.



Eleisaun Chefe de Suco no membru Conselho de Suco legitima estrutura komunidade nian ne'ebé hori uluk la iha rekoñesimentu formal.



Hanesan deklara iha lei, objetivu estrutura komunitario maka primeiro atu fó kbi'it no kataliza enerjia populasaun sira nian ba atividades hirak ne'ebé relasiona ho sira nia moris diak iha kuadru geral nasaun ninia dezenvolvimentu no progresu.



Tanba ne'e, tenki estabelese mekanismu hirak ne'ebé presiza hodi garante koordenasaun ne'ebé apropriado entre estrutura komunitario no administrasaun estado nian iha nivél Distrito no Sub-Distrito; atu bele gradualmente maibe hó kuidadu prepara estrutura administrativa foun ida ne'ebé halo tuir regras konstitusionais nian.



Objetivu final maka Administrasaun Estatal e Ordenamento do Território tenki partisipa ativo no integrado liu tan iha komunidade. Tanba ne'e, objetivu husi Diploma ida ne'e maka atu implementa programa pilotu iha Distrito hotu-hotu, no mós halao nafatin estudu kona ba divisaun administrativa foun no tuir mai re-estrutura aparelo Estadu nian.



Estrutura piloto hirak ne'e sei remata wainhira quadro legais kona ba Governo Local iha no kompletamente implementa.



Hanesan ne'e, tuir Artigu 25.1 Decreto-Lei N.o 7/2007, loron 5 fulan Setembru, no mós provizaun Artigu 117.2a Konstituisaun Repúblika nian, Ministru Administração Estatal e Ordenamento do Território, determina hanesan tuir mai ne'e:



Artigu 1

Objetivu



Diploma ida ne'e defini no governa kompozisaun no funsionamentu Asembleias Distritais (AD), Asembleias Sub-Distritais (ASD) no mós Comisaun Dezenvolvimentu Sub Distrito (CDSD). Objetivu maka atu koko modelu institusionais rua iha Distrito ne'ebé la hanesan hodi bele hetan referensia no lisaun praktika iha futuru:



1. Estrutura Assembleia Distrito no Assembleia Sub Distrito.



2. Estrutura Assembleia Distrito no Comisaun Dezenvolvimen-tu Sub Distrito.



Artigu 2

Estrutura Asembleia Distrito no Sub-Distrito



1. Assembleia Distrito maka orgaun ne'ebé harii iha nivel Distrito pilotu iha Programa Dezenvolvimentu Local (PDL) nia laran, ne'ebé fo mandatu atu determina oinsá alokasaun Fundus Dezenvolvimentu Local (FDL) atu uza tuir ninia Regulamentu Financa.



2. Assembleia Sub-Distrito mós iha karakteristika hanesan ho Asembleia Distrito nian, ne'ebé ninia juridikasaun limite ba Sub-Distrito ida-idak.



3. Assembleia Distrito no Asembleia Sub-Distrito maka responsabiliza kona ba preparasaun planu investimentu no orsamentu iha nivel Distrito no Sub Distrito, define oinsá sira hakarak aloka sira nia alokasaun anual FDL tuir regulamentu planeamentu ne'ebé aprovado ba AD no ba ASD sira.



4. AD no ASD sira iha responsalidade hanesan hodi hare implementasaun planu atividade no implementasaun ba desizaun orsamental tuir regulamentu ne'ebé estabelesido kona ba aprovisionamento [konkursu] no servisu kontratadu husi asembleia lokal sira no regras implementasaun seluk ba AD no ASD ne'ebé sei aprova husi MAE-OT.



5. AD no ASD sira mós responsabiliza kona ba entrega projetu/investimentu hotu-hotu bainhira ramata ona ba komuniade ne'ebé uza ka ba setor beneficiario, garante katak aranjos operasaun no manutensaun planeia no implementa.



Artigu 3

Estrutura Dezenvolvimentu Distrito no Sub Distrito



1. Assembleia Distrito maka orgaun ida ne'ebé estabelese iha nivel Distrito piloto iha Programa Dezenvolvimentu Local (PDL) nia laran, fo mandato atu determina maneira oinsa alokasaun Fundus Dezenvolvimentu Local (FDL) atu utiliza tuir ninia Regulamentu Financa.



2. Comisaun Dezenvolvimentu Sub Distrito maka ekstensaun [hatutan] husi Assembleia Distrital ne'ebé estabelese ho objetivu atu apoio no fo rekomendasaun tuir area ba prioridade dezenvolvimentu lokal no superviziona implementasaun desizaun Assembleia Distrito.



3. Assembleia Distritais maka responsabiliza ba preparasaun plano investimento no orsamento husi nivel hot-hotu iha sira nia juridikasaun (area laran) defini oinsa sira hakarak aloka sira nia alokasaun anual FDL tuir regulamento planeamento ne'ebé aprova ba AD.



4. Comisaun Dezenvolvimentu Sub Distrito maka responsa-biliza ba konsultasaun Suco no rekomendasaun turi area prioridades ba AD ho kolaborasaun metin e iha supervisaun AD nian.



5. AD maka orgaun ikus atu superviziona implementasaun plano atividades no implementasaun orsamento ne'ebé deside tuir regulamento estabelesido relasiona ho aprovizionamento (konkursu) no servicos kontratado husi Assembleias Lokal no regras implementasaun seluk ba AD atu hetan aprovasaun husi MAE-OT. CDSD tenki apoio AD hodi realiza ninia responsabilidade supervizaun no tenki relata ba AD durante implementasaun AD nia plano no orsamento.



6. AD maka responsabiliza mós ba entrega projeto/inves-timento hotu-hotu depois de kompletasaun ba komunidade ne'ebé uza ka ba setor beneficiario, garante katak aranjos operasaun no manutensaun planeia no implementa.



Artigu 4

Kompozisaun AD, ASD no CDSD



1. AD no ASD komposto husi membrus votantes permanente no ezekutivu láos membros votantes.



2. CDSD komposto husi funsionario governo nivel SD no reprezentantes Conselho de Suco, membro sira ne'e tenki iha estatuto hanesan iha CDSD.



Artigu 5

Membros CDSD



1. CDSD kompostu funsionario governo nivel SD (inklui re-prezentante setoral) no Chefe de Suco eleito aumenta reprezentante feto/mane ida se SD iha Suco 3 ou liu, no reprezentante nain tolu e nain ida tenki feto husi SD ne'ebé iha Suco rua. Reprezentante Suco sira ne'e selesionado husi Conselho de Suco ida-idak. Karik Chefe de Suco ne'e mane ida maka reprezentante segundo tenki feto ida nune'e mós karik Chefe de Suco ne'e feto ida maka reprezentante segundo tenki mane ida (vis a vis).



2. Conselho de Suco ne'e mós tenki hili entre membru sira rasik ema sira ne'ebé sei sai reprezentante alternativo no sira ne'ebé sei atende enkontru Sub Distrito, kuando wain-hira reprezentante prinsipal la marka prezensa ou la iha posibilidade atu atende enkontru.



3. Mandato membros permanente ASD nian ne'e ba periodo ne'ebé hanesan ho mandato Chefe sira nian e nune'e mós ba membro eleito Conselho de Suco sira.



4. Proseso oinsa membros permanente sira ne'e hili maka detailado iha Aneksu 3 husi Diploma ida ne'e.

Artigu 6

Membrus permanente ASD



1. Membros votantes permanente Assembleia Sub-Distrito nian komposto husi Chefe de Suco sira hotu ne'ebé eleito ho tan reprezentante feto ida ne'ebé Counselho de Suco sira hili iha enkontru especial ida ne'ebé halao ho objetivu eleisaun, iha sub-Distrito hirak ne'ebé komposto Suco lima ou liu.



2. Iha Sub-Distritos hirak ne'ebé komposto Suco 4 ou menus, membro votantes permanente komposto husi Chefe Suco sira ne'ebé iha no reprezentantes nain 2 ne'ebé Conselho Suco hili husi ninia membro eleito, mebros ne'e menus liu ida tenki feto no ida seluk tenki reprezentate husi foin sae ida ho tinan menus husi 35 (tolunulu resin lima).



3. Counselho de Suco mós tenki hili husi ninia membrus rasik sira ne'ebé sei sai membro alternativo, ne'ebé sei atende enkontru Asembleia Sub-Distrito, karik reprezentante prinsipal falta ka la iha posibildade atu atende enkontru.



4. Mandatu ba membru permanente ASD nian ne'e ba periodo ne'ebé hanesan hó mandatu Chefe nian no mós hó membrus eskoilido Conselho de Suco.



5. Prosedimento konaba oinsa membrus permanente sira ne'e hili maka hanesan hakerek hotu iha anexo 1 Diploma ida ne'e nian.



Artigu 7

Membrus Permanente AD



1. Membrus votante permanente AD nian kompostu husi reprezentante nain 2 husi membro permanente ASD ida-idak ou reprezentante Conselho de Suco nain tolu husi CDSD ida-idak iha Distrito ho CDSD, hili husi sira nia kolega iha sorumutu ASD/CDSD especial ida ne'ebé halao ho objetivu eleisaun. Reprezentante ida tenki mane no ida seluk tenki feto se nukazu iha ASD no menus liu husi reprezentante nain tolu ne'e ida tenki feto se nukazu iha CDSD.



2. Iha enkontru ida ne'ebé ASD/CDSD halao hodi hili ninia membru atu sai membru permanente AD nian, sira mós tenki hili sira nia membrus alternativu, feto ida no mane ida.



3. Mandatu ba membrus permanente AD nian hanesan hó periodo mandatu reprezentante sira ne'ebé hili tiha ona atu ajuda.



4. Proseso kona ba oinsa membrus permanente ASD sira ne'e hili maka hanesan hakerek hotu iha anexo 2 Diploma ida ne'e nian.



5. Proseso kona ba oinsa membrus permanente CDSD sira hili ne'e maka hanesan hakerek hotu iha Anexsu 4 husi Diploma ida ne'e.





Artigu 8

Membrus Exekutivu AD no ASD



1. Membro exekutivu laos-votantes AD no ASD komposto husi:



a. Administrador Distrito ou Sub-Distrito, komforme, se maka sai nu'udar Sekretariu Exekutivu;



b. Adjunto/a Administrador Distrito, iha kazu AD nian;



c. Ofisial Desenvolvimentu Distrito, ka Ofisial Desenvolvi-mentu Comunitaria, konforme;



d. Chefe sira ne'ebé reprezenta Setores local nian;



e. Entidades relevante seluk ne'ebé Sekretariu Exekutivu konvida bainhira sira nia partisipasaun ne'e konsidera necesita. Konvite ne'e belé mós ba reprezentantes husi Organizasaun Nao Governamentais Timor-oan sira nian no reprezentantes husi organizasaun sosiedade sivil sira seluk.



2. Membrus Exekutivu partisipa iha diskusaun kona ba asuntus hirak ne'ebé inklui ona iha agenda maibe sira ne'e la permite atu vota, ne'ebé exklusivu ba membrus permanente.



3. Administrador Distrito no Administrador Sub-Distrito ida-idak maka Sekretariu Exekutivu AD no ASD nian. Karik akontese katak sira falta ka laiha posibildade atu atende enkontru hirak ne'e Adjunto/a Administrador Distrito no Ofisial Desenvolvimentu Comunitaria iha nivel Sub-Distrito maka sei troka sira.



Artigu 9

Funsaun Sekretariu Ezekutivu



1. Sekretariu Ezekutivu AD no ASD sira iha funsaun hirak tuir mai ne'e:



a) Konvoka no diriji enkontru AD no ASD, komforme;



b) Garante no superviziona funsaun sekretariadu enkontru (minuta, arkivu no korespondensia relevantes);



c) Mantein komunidade Distrito no Sub-Distrito informado kona ba progresu atividade AD no ASD nian, liu-liu desizaun hirak ne'ebé foti no sira nia efikasia implemen-tasaun;



d) Relata ba AD no ASD progresu implementasaun husi sira nia desizaun.



2. Sekretariu Ezekutivu bele konvoka enkontru extra ordinariu ne'ebé nia durasaun enkontru bele loron tomak ida.



3. Enkontru hirak ne'e konvoka tuir forma definido ida ne'ebé preparado husi DNAL no konvite ne'e tenki espesifika loron, horas no fatin e mós agenda ba enkontru ne'e. Konvite hirak ne'e tenki haruka semana ida antes loron atu halao enkontro.



Artigu 10

Funsaun Chefe CDSD



1. Administrador Sub Distrito tenki sai Chefe ba CDSD;



2. Se nu kazu iha votus hanesan, votu husi Chefe tenki konta hanesan votus dupla.



3. Chefe CDSD tenki iha funsaun hirak tuir mai ne'e:



a. Konvoka no diriji enkontro CDSD;



b. Garante no superviziona funsaun sekretariado enkon-trus (minutas, arquivo no korespondensia relevante)



c. Mantein komunidade Distrito no Sub Distrito informado kona ba progresu atividades AD no CDSD, liu-liu kona ba desizaun hirak ne'ebe foti no efikasia implementasaun husi desizaun hirak ne'e.



d. Relata ba AD no CDSD kona ba progresu implementa-saun husi desisaun sira nian.



e. Chefe bele konvoka enkontro extra ordinario ne'ebé durasaun enkontru loron ida tomak.



4. Enkontru hirak ne'e konvoka tuir forma definido ne'ebé pre-para husi DNAL e konvite hirak ne'e tenki espesifika loron, horas, no fatin e agenda ba enkontro ne'e. Konvite hirak ne'e tenki haruka semana ida antes loron atu halao enkontro.



Artigu 11

Provizaun Informasaun



1. Sekretariu Ezekutivu AD no ASD tenki fó informasaun ba publika kona ba atividades Assembleia ida-idak nia liu husi;



a. Taka lista membrus assembleia nian iha kuadru avizu Administrasaun nian no mós fatin publiku seluk iha Distrito no Sub-Distrito, komforme;



b. Taka kopia ida husi minuta enkontru ida-idak nian iha kuadru avizu publiku durante semana ida nia laran depois de enkontru ne'e ramata;



c. Haruka kopia minuta enkontru ida-idak nian ba membrus permanente hotu-hotu iha semana ida nia laran depois enkontru ne'e ramata;



d. Haruka kopia minuta kada enkontru ASD nian ba Se-kretariu Ezekutivu AD;



e. Taka kopia planu investimentu anual no orsamentu total alokasaun iha kuadru avizu Administrasaun nian no fatin publiku seluk iha Distrito ka iha Sub-Distrito, konforme nivel;



f. Taka kopia relatorio anual nian iha kuadru avizu no fatin publiku hirak ne'ebé temin tia ona iha leten ne'e;



g. Halo informasaun relevante hotu-hotu disponibel tuir directrizes no regulamentus DNAL/MAE-OT nian.



2. Reprezentantes Conselho de Suco ne'ebé maka membrus AD no ASD responsabiliza atu komunika informasaun detailladus ba sira nia Conselho de Suco kona ba kada desizaun ne'ebé foti tiha ona no atividade saida deit maka halao iha Assembleia ne'ebé sira pertense ba.



3. Reprezentantes Conselho de Suco nian ne'ebé maka mem-brus AD no ASD tenki garante publikasaun kopia "minuta" enkontru hotu-hotu husi kada enkontru ne'ebé sira partisipa/hola parte iha kuadro avizu publiku iha sira nia Suco ida-idak.



Artigu 12

Enkontru Regular



1. Enkontru regular AD no ASD nian halao kada trimestre. En-kontru regular hirak ne'e labele liu loron rua, anaunser ba provisaun ne'ebé halo kona ba primeira enkontru.



2. Enkontro regular CDSD nian halao dala rua kada tinan e tenki koordena hamutuk ho horario planeamento AD nian.



Artigu 13

Funsionamentu AD no ASD



1. Enkontro AD no ASDs hira ne'e Sekretariu Ezekutivu ida-idak maka konvoka, dirije no halao ho maneira tuir mai ne'e:]



a) Sekreteriu Ezekutivu loke no defini aprezentasaun, diskusaun no aprovasaun ajenda;



b) Tuir mai, minuta husi enkontru ikus nian aprezenta no aprova;



c) Tuir mai maka ajenda, e iha kazu ida ne'e;



d) Relatorio trimestral kona ba atividades no kontas ne'ebé atu aprezenta ba DNAL, diskuti no aprova;



e) Sekretariu Ezekutivu sumariza diskusaun no desizaun ruma ne'ebé foti no taka enkontru.



1. Para Quorum atu konsidera antes foti desizaun tenki metade liu votu ida husi votus membrus votantes permanente sira hotu.



2. Desizaun hirak ne'e so iha forsa obrigatoria bainhira "quorum" ida leten ne'e marka prezensa no iha votus maioria simples husi membrus votantes sira ne'ebé marka prezensa iha enkontru.



3. Kuando enkontru ida labele foti desizaun bazeia ba quorum ne'ebé espesifika iha leten, enkontru ne'e tenki adia i enkontru seluk tenki organiza fali iha semana ida nia laran depois de enkontru ida ne'ebé lá hetan "quorum". Iha segundo enkontru, desizsaun bele foti bazeia ba maioria membrus votantes ne'ebé marka prezensa iha enkontru.



4. Votus sura liu husi foti liman.



5. Minutas husi enkontru ida-idak tenki arkivu hela.



Artigu 14

Funsionamentu CDSD



1. Objetivu husi enkontrus CDSD nian maka atu prepara rekomendasaun dezenvolvimentu anual ba AD;



2. Enkontru CDSD hirak ne'e diriji husi Chefe Comisaun no halao ho maneira hirak tuir mai ne'e:



a. Chefe Comisaun loke no defini aprezentasaun, diskusaun no aprovasaun ajenda;



b. Tuir mai, minutas husi enkontru uluk nian aprezenta no aprova;



c. Tuir mai ajenda, iha kazu ida ne'e:



d. Relatorio no kontas trimestral husi AD aprezenta no diskuti;



e. Chefe comisaun sumariza diskusaun no desizaun ruma ne'ebé foti no taka enkontro.



3. Desizaun kona-barekomendasaun planeamento ba AD tenki maioria liu ida husi votus hirak ne'ebé vota husi membru CDSD sira ne'ebé marka prezensa iha enkontru ne'e;



4. Votasaun halao liu husi foti liman;



5. Minutas husi enkontro ida-idak tenki arkivu hela.



Artigu 15

Formatu Minuta



Minuta AD, ASD no CDSD sira nian tuir formatu ne'ebé fornese iha anexo Diploma ida ne'e, e tenki inklui informasaun tuir mai ne'e:



a) Loron, fatin no durasaun enkontru;



b) Lista ida kona-ba membrus votantes permanente sira nian no membrus ezekutivu laos-votantes ne'ebé marka prezensa iha enkontru ne'e;



c) Lista ida kona-ba membrus votantes permanente nian no membrus ezekutivu laos-votantes ne'ebé la marka prezensa iha enkontru ne'e;



d) Sumariu ajenda;



e) Rekorda/dokumentasaun husi diskusaun hotu-hotu;



f) Sumariu kona-badesizaun hirak ne'ebé foti.

Artigu 16

Primeira enkontru regular AD no ASD



1. Primeira enkontru halao kada tinan fiskal hahu molok fulan Marsu ramata.



2. Enkontro ne'e Sekretariu Ezekutivu maka konvoka e nia maka sei lee no esplika tuir directrizes AD ou ASD ba membrus Asembleia hotu-hotu.



3. Iha primeira enkontru membrus votantes tenki hili pozisaun tuir mai ne'e entre sira nia kolega votante:



a) Reprezentantes nain rua husi ASD no sira nia alterna-tivu ba AD hanesan iha artigu 4 i reprezentate nain tolu husi CDSD no sira nia alternativu ba AD hanesan iha artigu 4.



b) Reprezentante nain rua ba Comissão Konkursu AD ka ASD ida-idak ba periodo tinan ida.



c) Reprezentante ida husi AD ka ASD ida-idak ba iha Co-misaun Planeamento no Implementasaun (CPI) ba periodo tinan rua.



d) Reprezentante ne'ebé iha Comisaun Konkursu labele kaer pozisaun hanesan reprezentante CPI iha tempo hanesan.



4. Sekretariu Ezekutivu aprezenta iha enkontru ne'e membru votantes permanente no membru ezekutivu inklui membru alternativo ne'ebé sira nia naran hakerek ona iha formatu propriu ida ne'ebé aprovado husi DNAL/MAE-OT.



5. Primeiro enkontru regular konsidera kona-ba planu inves-timentu no orsamentu anual, foti desizaun kona-ba alokasaun FDL nian ne'ebé aprovado tuir prosesu orsamentu nasional.



6. Artigu ida uluk ne'e labele aplika ba iha primeira enkontru, ne'ebé dalaruma bele prolongga ba maksimu loron tolu tutuir malu.



Artigu 17

Asinatura Oficial Autorizada Finanseiru



Assembleia tenki estabelese Comisaun Financa tuir Regulamento Financeiro No. 7/2005 - Revisaun. Comisaun Financa tenki kompostu membru ezekutivu nain tolu husi Assembleia. Administrador Sub Distrito tenki sai oficial autorizada hodi Assembleia Sub Distrito nia naran, e nune'e mós Oficial Dezenvolvimentu Distrito maka oficial autorizada hodi Assembleia Distrito nia naran. Administrador Distrito no Adjunto/a Administrador Distrito iha poder atu autoriza pagamento hodi Tesoureiro Administrasaun Distrito nia naran hamutuk ho asinatura husi oficial financa ne'ebé designado.







Artigu 18

Comisaun Planeamento no Implementaun (CPI)



1. Comisaun Planeamento no Implementasaun (CPI) ne'e or-gaun ida ne'ebé responsaliza atividades planeamentu no implementasaun ne'ebé AD ka ASD aprova tiha ona, komforme nivel;



2. CPI komposto husi [ema] tuir mai ne'e:



a. Reprezentante eskoilido ida husi AD ka ASD, komforme nivel;



b. Staf" Administrasaun Distrito ka Sub-Distrito nian, komforme nivel;



c. "Staf" setor departamentu lokal nian (koordenador setor saúde, edukasaun, infraestrutura, seluk tan).



d. Rekursu pesoais seluk tuir necesidade.



3. CPI ne'e komposto husi membrus oi-oin maibe labele liu membrus nain nen (6). CPI ne'e koordena husi Ofisial Dezenvolvimentu Distrito (ODD) iha nivel Distrito no Ofisial Dezenvolvimentu Comunitaria Sub-Distrito (ODC/CDO) iha nivel Sub Distrito, komforme.



4. Iha kazu hirak ne'ebé CDSD troka ASD, CPI tenki koordena besik liu ho ODC/CDO durante faze planeamento no implementasaun;



5. Membrus CPI tenki prenxe formulariu apropriado tuir regras ne'ebé MAE-OT defini liu husi DNAL.



Artigu 19

Responsabilidade CPI



CPI maka responsabiliza atu:



a) Organiza verifikasaun no avaliasaun propostas investimentu nian, ne'ebé sei involve estabelesimento Comisaun Verifikasaun no Avaliasaun ida tuir regras ne'ebé MAE-OT sei define liu husi DNAL;



b) Hahu klasifika proposta investimentu.



c) Prepara AD ka ASD sira nia planu investimento no orsamen-tu, komforme nivel;



d) Prepara AD ka ASD nia Planu Asaun Anual (PAA) no Ma-triz Relatóriu Trimestral (MRT).



e) Prepara dokumentus Konkursu no konvite ba Oferta [bids].



f) Organiza Comisaun Konkursu Distrito ka Sub-Distrito ni-nian, konforme.



g) Tau matan ba implementasaun projeto hodi ASD sira nia naran;



h) Relatoriu trimestral ba AD ka ASD nian kona ba kondisaun implementasaun projetu;



i) Relatóriu trimestral ba MAE-OT liu husi DNAL;



j) Halo serbisu seluk ne'ebé relasiona ho atividade lor-loron AD ka ASD nian.



Artigu 20

Operasaun finanseiru AD no ASD



1. Operasaun no jestaun financas ne'e governa ho prosedi-mentu no regulamentu FDL ne'ebé maka inklui iha anexu 5 Diploma ida ne'e nian no prosedimentu no regulamento hirak ne'e parte integradu husi diploma ida ne'e nian.



2. Reimbolsa ba gastus ne'ebé atu selu ba membrus AD ka ASD tuir regulamentu no prosedimentu ne'ebé propria kona ba gastus regular no kustus suporta tékniku ne'ebé MAE-OT aprova tiha ona.



Artigu 21

Formatu Officiais



Formatu oficial hirak ne'ebé ligadu ho estabelesimentu no funsionamentu Assembleias Locais no CDSD anexa iha Diploma ida ne'e. Formatu oficial hirak ne'ebé ligadu ho planeamentu, financa no aprovizionamento [konkursu] bele hetan iha regulamentu oioin ne'ebé aprovadu husi Ministério ida ne'e.



Artigu 22

Komesa Hahu [Entre em vigor)



Diploma ida ne'e komesa hahu iha loron ne'e kedas depois de fó sai iha Buletin Ofisial.



Aprova iha Dili iha 31 Janeiro 2008



Atu publika,



Ministro da Administração Estatal e Ordenamento do Território





Arcangêlo de Jesus Goveia Leite