Ministério Justiça, Lansa Konsultasaun Publiku kona-bá Ante-Projecto Kódigo Penál de Timor-Leste iha Hotel Timor, Dili

Ministra da justiça

Ministério Justiça liu husi Direcção Nacional dos Direitos Humanus e de Cidadania no Direccão Nacional de Assessoria Jurédica e Legislacão, realiza ona "Sessão de Apresentação Pública kona-bá Ante-Projecto Kódigo Penál Timor-Leste nian rasik, iha Hotel Timor, Quinta-feira, 16 de Outubro de 2008.

Iha sessão de apresentação pública neé, hetan mós partisipasaun máxima husi komponetes hotu-hotu (partisipantes 250 resin inklui Primeiro Ministro, Kay Rala Xanana Gusmão, Ministra da Justiça, Dra. Lúcia Maria Brandão Freitas Lobato, Representante Presidente do Parlamento Nasional, Dr. Manuel Tilman, ONG's no Sosiedade Sivil, Provedor Direitus Humanos e Justiça, Autór Tribunais sira, PNTL no F-FDTL, Akademiku, Agencia Internacinais no entidades sira seluk.

Ministra da Justiça, Lucia M.B Freitas Lobato iha nia diskurso hateten,"atu elabora Lódigo Penál foun Timor-Leste nian presiza kontribuisaun husi sosiedade sivil inklui entidade tomak, tamba projecto neebé Governo prepara ona neé, presiza halo konsultasaun públiku, rona opiniaun husi partes barak inklui mós simu kontribuisaun husi Nasoens Unidas. Ita hatene katak Timor-Leste iha ona Kódigo Processo Penal - CPP maibé sei utiliza nafatin Kódigo Penál Indonesia nian (Lei subsidária), no CPI, neé hatudu ba ita katak Timor-Leste presiza Kodigo Penál foun atu bele implementa lalais iha nasaun ida neé."

Ministra mós salenta liu tan katak konsultasaun publika ida neé sei halao durante fulan ida nia laran atu nune entidades tomak bele hatoó sira nia hanoin, komentarios relasiona hó ante-projecto neébé maka hatoó ona bá públika, no ida neé kontribuisaun diak atu Governo bele simu rejultadu durante fulan ida nia laran.

Ministra da Justiça husu bá entidades hotu-hotu atu koopera hamutuk hodi halo konsultasaun publiku ba ante-projecto sira ne'ebe sei planu hela atu halao konsultasaun, Ministra informa katak Conselho do Ministro (CM) halo ona primeiro debate foin lalais neé liu-liu kona-ba projecto Kódigo Sivil (CS), ita hein katak aban bainrua mós sei konsulta ba ita-bót sira projecto Kódigo Sivil ida ne’e.

Ministra da justiça

Entretanto Primeiro Ministro, Kay Rala Xanana Gusmão iha nia diskurso hateten," atu promove Constituição iha proseso ida ne'ebe boot maka Kódigo Penál, tamba ita hotu hatene katak ita-nia rain foin maka haboot-an ne’e duni ho CP neé hodi hili modelo justiça ida atu fo apoio ba Tribunál atu sira bele halao sira nia knaar ho diak." PM neé reforsa liu tan katak Código Penal neé ita bele uza hanesan naroman ida ba sidadaun Timor-oan." João MP da Costa-Técnico Profissional de Relações Públicas e Divulgação - DNDHC