Dezenu ba edifisiu Biblioteka Nasional, ne’ebe hahu ninia konstrusauun iha AND Kotuk, Hudi-Laran, Bairru-Pite, Dili (19/07).

Dili, MJ: Tersa-feira (19/07) dader ne’e, Ministru Justisa, Dr. Tiago Amaral Sarmento no Sekretariu Estadu Terrase Propriedades, Eldino Rodrigue dos Santos, partisipa iha seremonia hahu konstrusaun ba Biblioteka Nasionál Timor-Leste, ne’ebé konstrui iha edifisiu ADN kotuk, Hudi-Laran, Bairo-Pite Dili.

“Biblioteka importante los ba ita nia jerasaun sira, ita nia oan sira, maibe laos ba deit ita nia oan sira, mais ba ita hotu,” Primeiru Ministru hateten iha intervensaun.
”E hau konkorda ho liafuan ne’ebé ohin Sr. Przeidente ANP dehan, importante mós ba ita, biblioteka nasionál ne’e, ospital ba ita nia ulun. Kuandu ita moras ita ba ospital nasionál Guidu Valadares, mais ita nia ulun ka kakutak kuandu mamuk, ita mai iha ne’e, para que aumenta ita nia kbiit, ita nia kapasidade hodi dezenvolve ita nia rain,” Primeiru Ministru Taur Matan Ruak haktuir.

Ministru Justisa Dr. Tiago Amaral Sarmento konversa ho Sekretariu Estadu Cooperativa (SECOOP) Elizariu, Hudi-lara, Bairo_pite, Dili (19/07).

Primeiru Ministru Taur Matan Ruak lori Estadu, Governu no Povu Timor-Leste nia naran, agradese Governu no Povu Italiano, Governu Timor-Leste orgulozu los bele servisu ho ita boot sira generodidade, pasensia, solidarida, no kontribuisaun ba reforsa dezenvolvimentu umanu iha Timor-Leste. Agradese mós ba Ministru Petrolium e Minerais, Ministru Ensino Superior no ANP & Sekretariu Estadu Arte e Cultura.

Primeiru MInistru Taur Matan Ruak mós lori nia Governu no nia naran hakarak agrdese ba ENI tanba maske 14 anos ona miabe sira la dezvia fundus ba konstrusaun Biblioteka Nasionál Timor-Leste ba fali fatin seluk.

Favor ida transmite ba ita boot sira nia xefe iha italia katak “Povu Timor, estadu Timor no Governu Timor orgulozu los, bele servisu ho ita boot sira, e liliu laos deit, empreza laos deit empreza buka osan, mais liuliula lahaluha sira nia responsabilidade social,” E entaun ita boot sira nia investementu ida ne’e sei la haluha husi jerasaun ba jerasaun.

“Kadaves que timor oan ida ou hotu-hotu ne’ebé que tama iha bibleoteka ida ne’e sira sei lembra, ita boot sira nian Jenerozidade, pasensia, solidaridade no kontribuisaun ba reforsa dezenvolvimentu Umanu iha timor-Leste,” Primeiru Ministru agradese.

Medida rai ba konstrusaun biblioteka nasionál refere ho luan 27 mill kuadradu. Entretantu, totál orsamentu ba konstrusaun Biblioteka Nasionál hamutuk milliaun 10, ne’ebé mai hosi kompañia ENI.

Plaka Konstrusaun Biblioteka Nasionál Timor-Leste, iha edifisiu ADN kotuk, Hudi-Laran, Bairro-Pite, Dili (19/07).

Eventu ne’ebé hahu iha tuku 9 dader no remata iha tuku 13:00 Otl loraik ne’e, partisipa mós husi Primeiru Ministru Taur Matan Ruak, Ministru Justisa Dr. Tiago Amaral Sarmento ho Sekretariu Estadu Terras e Propriedades, Eldino Rodrigue dos Santos no membru VIII Governu sira, no korpu diplomatiku sira, Amo Paroquia Motael, no lia nain e konvidadus sira.

19 Jullu 2022