Estudantes sira simu Prezidente Repúblika Dr. Jose Ramos Horta ho tara Aifunan, wainhira fila hikas husi vizita estadu ba nasaun vizinhu Repúblika Indonezia, Aero Portu Nocolau Lobatu, Komoro, Segunda (25/07).

Dili, MJ: Segunda-feira (25/07) meudia ne’e, Ministru Justisa, Dr. Tiago Amaral Sarmento no membru VIII Governu Konstitusional hotu akompaña Primeiru Ministru Taur Matan Ruak, iha Aeroportu Internasional Nicolau Lobatu- Dili, hodi simu Prezidente Repúblika Dr. Jose Ramos Horta ne’ebé fila hikas mai Timor-Leste hafoin halo vizita ofisial ba nasaun vizinu Repúblika Indonezia, iha Segunda-feira, (18/0) liuba.

Prezidente Repúblika halo vizita ba Indonezia hodi hasoru malun ho ninia omólogu husi Indonezia Ir. H, Joko widodo, hodi deskuti asuntu bilateral nomós asuntu adezaun Timor-Leste ba ASEAN no halo mós vizita ba Provinsia Nusa Tengara Timur (NTT) hodi hasoru malun ho Governador NTT, Viktor Bungtilu Laiskodat.

Prezidente Repúblika Dr. Jose Ramos Horta halo vizita ofisial durante semana ida ba nasaun vizinu Repúblika Indonezia, iha loron Segunda-feira, (18/0) liuba .

Enkuantu Prezidente Repúblika Dr. Jose Ramos Horta to’o hikas Timor-Leste segunda-feira (25/07) ohin, ho Aviaun Jet Privadu PK-TWY Governador NTT nian, no akompana mós husi Ministru Koordenador Asuntu Ekonomiku (MECAE) Joaquim Amaral Iha Aeroportu Nicolau Lobato, Díli, segunda-feira ne'e no simu husi, Primeiru Ministru (PM), Taur Matan Ruak, membru VIII Governu Konstitusionál ho parade militar.

25 Jullu 2022
#Media_Gabinete_MJ