Ministru Justisa Dr.Tiago Amaral Sarmento simu no reuniaun ho reprezentante Santa Sé iha Timor-Leste Monsenhor Marco Sprizzi, iha knar fatin Ministériu Justisa – Colmera Dili, Tersa (26/07).

Dili, MJ: Tersa-feira (26/07) dader ne’e, hafoin reuniaun ho Diretor no ekipa husi Komisaun Paz e Justisa, husi Diocese Dili, Ministru Justisa Dr. Tiago Amaral Sarmento kontinua simu no reuniaun ho reprezentante Santa Sé iha Timor-Leste, Monsenhor Marco Sprizzi ho reprezentante Conferencia Episcopal Timor-Leste (CET) reprezentante husi diocese, Dili, Baucau no Maliana hodi deskuti no kona-ba akordu konkordata ne’ebé asina ona entre Timor-Leste ho Santa Sé, iha loron 14 fulan Agostu 2015, no ratifika ona husi Parlamentu Nasionál liuhusi rezolusaun no. 18/2015 Novembru 2015, ne’ebé entre em vigor ona iha loron 13 fulan- Marsu 2016 liuba.

Iha reuniaun reprezenrante Santa Sé ho Monsenhor Marco Sprizzi ho reprezentante husi diocese tolu (Dili, Maliana no Baucau) marka audensia ho Ministru Justisa hodi deskuti no follow up kona-ba implementasaun akordu konkordata entre Timor-Leste ho Santa Sé, liuliu kona-ba rekoñesimentu estadu Timor-Leste ba personalidade jurídika ba Santa Sé no diocese sira ne’ebé ezizti iha Timor-Leste.

”Iha reuniaun ida ohin ne’e, reprezentante Santa Sé mai Timor-Leste Monsenhor Marco Sprizzi hamutuk ho reprezentante husi Conferencia Episcopal Timor-Leste (CET) diocese tolu ( Diocese Dili, Maliana nomos Baucau ninian) mai hodi follow-up kona-ba akordu konkordata entre Timor-Leste ho Santa Sé ne’ebé koalia kona-ba rekoñese estadu Timor-Leste ba personalidade jurídika ba Diocese Dili, ba paroquia sira nomós instituisaun ekleziastika sira seluk ne’ebe iha diocese sira nia okos iha Timor-Leste laran tomak,” infroma Ministru Justisa.

Ministru Justisa Dr. Tiago Amaral Sarmento foto hamutuk ho Monsenhor Marco Sprizzi ho Amo Paroquia Balide, Graciano Alves, Amo Paroquia Catedral, Pe.Leandro M. Alves responsavel jurídiku CET, Pe.Julio Crispin, hafoin reuniaun iha knar fatin, Ministériu Justisa, Rua Colmera – Dili, Tersa(26/07).

Enkuantu reprezentante Santa Sé iha Timor-Leste Monsenhor Marco Sprizzi sente kontente tanba Ministru Justisa konkorda no prontu hodi finaliza prosesu sira rekonesimentu ba personalidade jurídika Santa Sé nian iha Timor-Leste.

”Eu Monsenhor Marco Sprizzi, com a equipa da Conferência Episcopal, viemos finalizer o processo de reconhecimento da identidade jurídica, personalidade jurídica, das paróquias e das outros instituiçoes da Igreja, e que ainda não se encontra complete”.
E agora, com o Ministro concordamos tudo… tudo está para ser finalizado, então estamos muito alegrea e acreditamos que, o que foi decidido nesta reunião será executado brevemente, para todas as paróquias em Timor-Leste receber a personalidade Jurídica e assim poder atuar em favor dos cidadões, em favor dos fiés, e em favor das pessoas. Tudo o que as paróquias fazem é para o povo, então precisam de instrumentos jurídicos para atua,” reprezentante Santa Sé ne'e esplika.

26 Jullu 2022
#Media_Gabinete_MJ