Ministru Justisa Dr. Tiago Amaral Sarmento foto hamutuk ho ekipa husi Asian Develompment Bank (ADB) ka Banku Dezenvolvimenti Aziatiku ne’ebé lidera husi Dra. Cristina Pak, Ministériu Justisa, Sexta (29/07).

Dili, MJ: Sexta-feira (29/07) dader ne'e, Ministru Justisa Dr. Tiago Amaral Sarmento, simu no reuniaun ho Ekipa husi Asian Development Bank (ADB) iha Timor-Leste, lideradu husi Dra.Cristina Pak, iha knar fatin Ministériu Justisa, Rua Colmera - Dili.
Iha reuniaun refere Ministrus Justisa ho ekipa ADB deskuti asuntus importante tolu (3) hanesan tuir mai;

• Kontinuasan Kolaborasaun entre Asian Development Bank ho Ministériu Justisa;
• Implementasaun programa asistensia teknika kona ba promosaun gender responsive iha sistema judisial Timor-Leste nian.
  Ba parte Ministrériu Justisa nia programa ida né sei implementa liu husi Sentru Formasaun Jurídiku no Judisiáriu, hodi hatama mós matéria jeneru iha kurikulum SFJJ nian nomós asistensia teknika ba lejizlasaun nian hodi analiza lei sira husi perspektiva jêneru nian, e programa ne’e sei implementa to'o fulan Dezembru tinan 2024.
• No ikus liu deskuti Memorandu de Entendementu existente ne'ebé reve ona husi asistente tekniku ADB nian no Ministériu Justisa.
  Reuniaun refere akompaña mós husi Diretor Nasionál Assesoria Jurídika no Lejizlasaun (DNAJL) Nelinho Vital.

29 Jullu 2022
#Media_Gabinete_MJ