MJ Lei Protesaun Testamunha Inportante Tebes iha Timor Leste

Dili-Ita hotu Hatene katak Lei Numeru 2/2009 kona ba Protesaun ba Testamunha tama iha vigor iha loron 6 fulan Maio 2009 hodi marka tan pasu inportante ida iha seitor Judisiariu iha Timor Leste nian tamba ho prezensa lei neé bele fornese kondisaun minimu atu proteje testamunha sira banhira presta deklarasaun iha Tribunal iha prosesu justica nian.

Tuir Ministru Justisa Dionisio Babo Soares hateten katak Lei Nu 2/2009 kona ba Protesaun ba Testamunha tama iha vigor iha loron 6 fulan Maio 2009 maibe toó agora sei dauk bele inplementa tamba sei menus iha fasilidade no rekursu tamba dala barak ita bele halo lei maibe difisil atu bele inplementa maibe lei neé inportante tebes ba Testamunha sira banhira halo deklarasaun iha Tribunal.

“Lei Numeru 2/2009 kona ba Protesaun Testamunha inportante tebes iha rai doben ida neé maibe lei neé rasik to agora sei dauk bele inplementa tamba deit sei menus fasilidade no rekursu tamba ita bele halo lei barak maibe difisil atu bele inplementa tamba neé lei neé rasik maske tama ona vigor iha tinan kotuk maibe toó agora sei dauk bele inplementa”Dehan Ministsru Justisa Dionisio Babo Soares hafoin sai orador iha Seminariu Nasional kona ba Lei Protesaun Testamunha iha salaun Delta Nova Quinta (15/11)

Ministru mos informa tan katak elementu inportante ida husi meiu de prova tuir artigu 116 Kodigu Prosesu Penal (KPP) mak depoimentu husi sasin,papel no kontribuisaun sasin nian importante atu difini rezultadu final husi kazu ida tantu kazu krime no ba kazu sivil.

Ita nian Kodigu Prosesu Penal hatur depoimentu sasin iha numeru terseiru depois deklarasaun husi arguidu no vitima neé signifika katak depois deklarasaun arguidu no vitima mak Tribunal la hetan koviksaun ruma atu halo desizaun prezensa sasin ou testamunha nian sai nudar fator determinante ida atu ajuda forma juiz nian konviksaun antes hola desizaun atu kondena ka absolve arguidu husi alegasaun hasoru nian.

Sistema criminal sasin kaer papel inportante tebes mesmu nune iha pratika laos ema hotu disponivel ou pronto atu simu estatutu nudar testamnuha,banhira nia seguransa pesoal ka nian familia no sasan sira hatur iha risku ka potensia atu tama ba situasaun neébe bele foo amiasa ba nia.



Pedro Delfim
Gabinete Ministru Justisa
Media Officer