MINISTRU JUSTISA PARTISIPA IHA SEREMONIA ENTREGA EKIPAMENTUS PEZADUS HUSI KOREIA BA INSTITUTU JESTAUN EKIPAMENTUS

Dili, MJ: Segunda-feira (29/08) dader ne'e, Ministru Justisa Dr. Tiago Amaral Sarmento partisipa iha seremonia entrega Ekipamentus Pezadus husi Kompania Auto Zone ba Institutu Jestaun Ekipamentus (IGE - sigla portuguéz) iha edifisiu IGE Rua Colmera, Dili.
Aleinde entrega ekipamentus pezadus husi kompania ba IGE, Prezidente Administrasuan IGE no Ministru sira entrega mós sertifikadu ba funsiunariu IGE ne'ebé servisu hodi atende no rezolve kalamidade publiku iha loron 4 Fulan-Abril 2021 liuba.

Kompanha Autozone Internasional entrega Ekipamentus Pezadus ba IGE, I.P liu husi Primeiru Ministru Taur Matan Ruak.

Ekipamentu hirak nee, Governu sosa liu husi alokasaun orsamentu ho montante 1.7 iha 2022. Prosesu ne'e rasik halo husi CNA no konsege manan husi Kompanha Auto zone International
Iha Deskursu Premeiru Ministro hateten katak " funsionariu IGE atu servisu makaas liu tan ba oin nunee bele apoiu ita nia komunidade sira ne'ebé iha limitasaun ba estrada.
Total makina pezadu ne'ebé IGE, I.P jere agora dadaun hamutuk umidade 127, existenti unidade 112 no foun unidade 15.

Seremonia ne'e partisipa mós husi Primeiru Ministru Taur Matan Ruak, Ministru Justisa Dr. Tiago Amaral Sarmento, Mijistru Obras Publikas, Abel Pires, Ministru Ensino Superior Siensia e Teknolojia, Longuinho dos Santos no Sekretariu Estadu Asuntu Kombatentes Libertasaun Nasionál, Julio da Conceição "Loro Mesak".

29 Agostu 2022
#Media_Gabinete_MJ