Ministru Justisa Dr. Tiago Amaral Sarmento intrega sertidaun Moris ba idozu iha Maubise- Ainaro, Kuarta (31/08).

Dili, MJ: Ministru Justisa Dr. Tiago Amaral Sarmento kontinua esforsu hodi kontinua halo emisaun sertidaun moris no billete identidade (BI) ba sidadaun sira, liuliu ba idozu sira, em relasaun ho ejiziensia husi BNCTL ho MSSI atu oinsa aplika kriteria billete identidade ba benefisariu sira ne'ebé simu pensaun husi governu, hanesan pensaun veternaus, pensaun idozu, bolsa da Mae no pensaun seluk-seluk tan.
Ho nune'e horiseik (31/08) loraik, Ministru Justisa Dr. Tiago Amaral Sarmento akompañadu husi, Defensor Publiku Jeral, Dr. Cancio Xavier no Diretor Jeral Administrasaun no Politika Justisa, Salvador da Costa Fernandes, Diretor Nasionál Rejistu Notariadu, João M. Borges no Diretor ambitu Ministériu Justisa kontinua halo abertura ba programa Rejistu Integradu Online ba Sertidaun Moris, Sertidaun Kazamnetu RDTL no Billete Identidade (BI) ba sidadaun sira iha Postu Administrativu Maubisse, Munisípiu Ainaro.

Ministru Justisa Dr. Tiago Amaral Sarmento intrega sertidaun Moris ba idozu iha Suku Kaimauk, Postu Turiscai- Manufahi, Kuarta (31/08).

Iha abertura Ministru Justisa esplika katak “Sertidaun Moris no Billete Identidade (BI) mak nu’udar Xavi ba sidadaun sira atu bele asesu ba pensaun hotu ne’ebé governu ofrese ba ninia sidadaun sira.”
Ho nune’e Ministru Justisa husu atu idozu, veternus sira, Benefisiariu bolsa da mae enklui kbiit laek sira, no sidadaun hirak ne’ebé hetan pensaun husi Governu bele mai atu trata sira ninia dokumentus hanesan Sertidaun Moris no Billete Identidade (BI).
Antes ne'e iha loron 18, fulan-Agostu Ministru Justisa Dr. Tiago Amaral Sarmento akompanadu husi Vise Ministru Justisa Jose E. Caetano, halo ona lansamentu hanesan iha Suku Com, Lospalos - Lautem, no iha loron 24 fulan hanesan halo mós abertura ba Attendementu Rejistu Integradu Online ba Sertidaun Moris no Billete Identidade iha Kaimauk Postu Administrativu Turiscai, Munisípiu Manufahi, no iha momentu ne'eba Ministru Justisa mós simbolikamente entrega Sertidaun Moris no Billete Identidade ba idozus nain 10 iha suku Com –Lautem no ba idozu nain 10 husi suku Kaimauk-Turiscai no ohin entrega mós ba idozu nain 10 iha Maubisse-Ainaro

Sidadau hirak ne'ebé simu ona sira ninia dokumentus hanesan Sertidaun Moris no Billete Identidade (BI) foto hamutuk Ministru Justisa Dr. Tiago Amaral Sarmento, no Vise Ministru Justisa Jose E. Caetano ho Sekretariu Administrador iha Com- Lautem.

Hafoin abertura, ekipa teknika sira husi Servisu Rejistu Notariadu sei kontinua halo atendementu ba sidadaun sira iha suku no Postu durante semana ida hodi halo atendementu ba sidadaun sira ne’ebé hakarak atu trata sira nia dokumentus aumesmu tempu bele mós halo rejistu via online iha munisípiu refere.
Tuir planu Ministru Justisa sei halo mós Rejistu integrada online ba sertidaun moris no billete identidade (BI) ba sidadaun sira iha Munisípiu Viqueque bazeia ba ezjijensia husi Xefe suku nain 26 ne’ebé publika iha fulan Setembru mai no iha munisípiu sira seluk iha Timor-Leste.

01 Setembru 2022
#Media_Gabinete_MJ