SUB-KOMISAUN INTERMINISTERIAL GESTAUN PATRIMONIU ESTADU REALIZA SEREMONIA AFEITASAUN VEIKULUS BA LINA MINISTERIAIS, INTITUISAUN ESTADU, SERVISU AUTONOMA NO MUNISIPIU SIRA


Dili, 15/9/2022, Sua Excelensia Vise Ministru Justisa Dr. José Edmundo Caetano (Saka Timor) liu Husi Sub-Komisaun Interministerial Gestaun Patrimoniu Realiza Seremonia Afeitasaun Veikulus Ba Lina Ministeriais, Intituisaun Estadu, Servisu Autonoma No Munisipiu Sira. Quinta-feira ne’e iha Ofisiu Patrimoniu estado Balide.

Seremonia ne’e, diriji husi prezidenti Sub-Komisaun Interministerial Gestaun Patrimonia Estadu Vise Ministru Finansas Dr. António Freitas no akompanha husi membru Sub-Komisaun Vise Ministru Justisa Dr. José Edmundo Caetano no Vise Ministru Administrasaun Estatal Sr. Lino de Jesus Torrezão i Director Geral Gestaun Patrimoniu Estado Sr. Januario da Gama, no prezensa mos Presidenti Autoridade Munisipal sira, diretores husi nasional no municipal sira inklui finsionariu kondutores sira.

Iha intervensaun husi prezidenti sub-komisaun hateten akizasaun veikulu estadu ne’e ba lina ministeriais, instituisaun estado, servisu fundu autonoma autoridade municipal sira atu fasilita servisus estadu, tantu iha nasional no mos municipal to’o iha nivel area rurais sira. Entre tanto veikulu hirak ne’e, uza hanesan veikulu operasional nune’e funsiona ba atividade sira hotu, agora dadaun save veikulu estadu labele iha deit dirijentes sira nia bolsu.
Sub-komisaun interministerial gestaun patrimonia estadu liu husi diresaun geral gestaun patrimonia estadu sei halo monitorizasaun ba funsionamentu veikulu sira nebe iha nasional no iha municipal sira. Sei kria ekipa konjunta ida hodi halo inspesaun ba veikulu estadu, nebe sirkula iha diresaun hanesan iha nasional no mos iha municipal sira.

Gestaun patrimonia estadu ho efisiensia no efikas liu husi politika VIII Governu Konstitusional nebe lidera husi General Taur Matan Ruak, hare ba situasaun anterior nebe gastus orsamnetu makaas ba manutensaun operasional ho kustu nebe boot nune’e preziduka ba dezenvolvimentu rai laran, tamba ne’e, sub-komisaun interministerial ba gestaun patrimoniu estado liu husi konsellu ministrus hakarak hadiak gestaun ida ne’e hodi bele minimiza gastus orsamentu estadu i bele hadiak buat nebe sedauk halo ita bele aloka fali orsamentu iha area nebe ita sedauk investa baa.

Iha seremonia afetasun veikulu estadu ne’e, membru sub-komisaun gestaun patrimoniu estado entrega save veikulu simbolikamente ba autoridade munisipiu sira hanesan Baucau Manufahi, Bobonaro, Lospalos no Ministeriu publiku, no mos diresaun sira hotu nebe hetan afetasaun veikulu.

Arcanjo Viana das Neves
Media Gabinete Vice Ministru Justisa