Ministru Justisa Dr. Tiago Amaral Sarmento akompaña husi Vise Ministru Justisa, José C. Edmundo no Sekretariu Estadu Terras e Propriedades, Eldino Rodrigues, konvoka reuniaun ho Dirijentes sira Ministériu Justisa nian, iha Cafetaria Ministériu Justisa, Colmera, Dili, Segunda (20/09).

Dili, MJ: Segunda-feira (19/09) dader ne’e, Ministru Justisa Dr. Tiago Amaral Sarmento Konvoka reuniaun ho Dirijentes sira Ministériu Justisa nian hodi deskuti kona-ba kestaun balun ne’ebé akontese iha semana kotuk, liuliu kona-ba akontesementu iha establesimentu Prizional Becora no disputa rai Marconi.

Liga ba insendu iha Estabelesimentu Prizional Becora, Ministru Justisa Dr. Tiago Amaral Sarmento husu Diretor Nasionál Servisu Prizionais no Diretor Estabelesimentu Prizional Becora hodi bele submete relatoriu sobre insendu iha Estabelesimentu Prizional Becora mai Ministru Justisa, nune’e hare hodi rezolve.

No Ministru Justisa mós husu ba Diretor Estabelesimentu Prizional sira atu bele muda ketak prezu hirak ne’ebé iha problema ho kondisaun mental.
Tanba tuir Ministru Justisa sorti be’e nia sunu deit, mais se ne’e-mak nia komete fali aktu seluk hanesan halakon ema rua nia vida ida ne’e at liutan. Nune’e Ministru Justisa husu atu muda ketak prezu hirak ne’ebé iha moras mental.

Ministru Justisa Dr. Tiago Amaral Sarmento akompaña husi Vise Ministru Justisa, José C. Edmundo no Sekretariu Estadu Terras e Propriedades, Eldino Rodrigues, konvoka reuniaun ho Dirijentes sira Ministériu Justisa nian iha iha Cafetaria Ministériu Justisa, Colmera, Dili, Segunda (20/09).

Koalia kona-ba Problema disputa rai iha Iha klinika 333 nia oin, iha Marconi Ministru Justisa husu ba Diretor Jeral Terras e Propriedades no Diresaun Nasionál Assesoria Jurídiku no Lejizlasaun (DNAJL) atu bele finaliza despaisu ida atu nune’e iha tempu badak Ministériu Justisa ho parte kompetente tun kedas hodi halo despzeu Administrativu ba fatin refere, tanba kompania la kumpri notifikasaun ne’ebé Diretur Jeral Diresaun Terras e Propriedades hasai ona, hodi hamamuk fatin refere, no labele kontinua halo konstrusaun iha fatin refere, tanba Ministru Justisa konsidera fatin refere nu’udar Terrenu Estadu nian. Tanba durante ne’e halo hela arrendamentu ho arrendatariu balun, ne’ebé hahu kedas husi Juñu 2017 ate Maiu 2022 ne’e.

Maibe infelizmente kontratu arrendamentu refere tama mós iha kompania 85 ne’ebé la kumpri sira nia dever hodi selu kontratu arrendamentu nune’e sira mós iha dividas kuaze $36.000. Aleinde ne’e, Ministru Justisa mós sei hatama partisipasaun ba Ministeriu Publiku ba arrendatariu hirak ne’ebé la kumpri dever, inklui terrenu ne’ebé sai polemika hela.
Ministru Justisa mós husu ba Diresaun Jerral Terras e Propriedades nomós Diresaun Jeral Rejistu Notariadu atu bele halo preparasaun ba atribuisaun sertifikadu titlu nain ba rai, iha selebrasaun loron Proklamasaun Independensia 28 Novembru mai, iha Rejiaun Espesial Oecusse-Ambeno.

Ministru Justisa Dr. Tiago Amaral Sarmento, Vise Ministru Justisa, José C. Edmundo no Sekretariu Estadu Terras e Propriedades, Eldino Rodrigues, iha reuniaun ho Dirijentes sira Ministériu Justisa nian, iha Cafetaria Ministériu Justisa Colmera, Dili, Segunda (20/09).

Iha parte loraik Ministru Justisa Dr. Tiago Amaral Sarmento kontinua simu no reuniaun ho komunidade no Rede ba Rai, ne’ebé preokupa ho terrenu iha Marconi ne’ebé utiliza husi kompania internasional balun, ne’ebé tuir Ministru Justisa katak rai refere partense ba rai estadu nian no prosesu konstrusaun iha terrenu refere mós seim autorizasaun husi Ministru Justisa no Ministériu Obras Publikas tanba konsidera rai refere serve ba haríi espasu publiku.

19 Setembru 2022
#Media_Gabinete_MJ