Dili-Atu hadia diak liu tan Koordenasaun Servisu entre Ministerial no Sekretariu estadu iha Sexta Feira, Membru husi V Governu Konstituisional halo reuniaun hamutuk hodi hametin tan linha Koordenasaun entre Ministerial ho Sekretariu Estadu iha V governu Konstituisional nia laran.

Ministru Justisa Dionisio Babo Soares lidera diskusaun neé hateten katak reuniaun neé inportante tebes ba Membru husi V governu Konstituisional atu bele koordena hamutuk servisu entre Ministeriu ida ho Ministeriu seluk e mos atu bele hametin tan linha Koordenasaun entre Ministerial ho Sekretariu estadu.

“Reuniaun ida neé inportante duni ba membru govenru atu bele kordena hamutuk servisu entre Ministerial no mos bele hametin tan linha koordenasaun entre Ministeriu ida ho Ministeriu seluk e mos ho Sekretariu Estadu”Dehan Ministeriu Justisa Dionisio Babo Soares iha Sexta (15/11)

Iha fatin seluk Sekretariu Estadu Setor Privadu Veneranda Lemos mos informa tan katak iha reuniaun ida neé hau hakarak atu hatoó assuntu ida neébe relavan ho Ministeriu Edukasaun tamba iha hau nia vizita iha Cina iha Estudante Timor Oan neébe agora dadaun hala’o hela sira nian estudu iha Nasaun Cina hau sujere governu liu-liu Ministeriu neé kompotente atu bele iha dadus hodi hatene lolos Timor oan hira mak estuda iha rai liur liu-liu iha Cina.

“Hau Sujere ba Ministeriu Edukasaun atu bele toma atensaun e mos bele iha dadus atu bele indentifika Timor oan neébe agora dadaun estuda hela iha rai liur liu-liu iha Cina tamba iha estudante lubun ida mak estuda hela iha Cina e mos hatudu sira nia kapasidade no disiplina iha ema nian rai neeba”Dehan Sekretariu Estadu Setor Privadu Veneranda Lemos.