MINISTRU JUSTISA SIMU NO REUNIAUN HO MINISTRU TURIZMU E KOMERSIU INDUSTRIA HO NINIA VISE

Ministru Justisa Dr. Tiago Amaral Sarmento akompaña husi Vise Ministru Justisa, Jose E. Caetano simu no Reuniaun ho Ministru Turizmu, Komersiu no Industria, Jose Carmo da Silva ho ninia Vise Ministra Turizmu , Komunitari no Kulturál, Inácia da Conceição Teixeira, Gabinete MJ, Tersa (04/10).

Dili, MJ: Tersa-feira (04/09) dader ne’e, Ministru Justisa Dr. Tiago Amaral Sarmento simu no reuniaun ho Ministru Turizmu, Komérsiu no Indústria (MTCI), Dr. José Lucas do Carmo da Silva ho ninia Vise-Ministra Turizmu, Komunitáriu no Kulturál, Inácia da Conceição Teixeira, iha knar fatin, Gabinete Ministériu Justisa, Rua Colmera, Dili.

Iha reuniaun Ministru MTCI no Vise-Ministra Turizmu, Komunitáriu no Kulturál mai hodi deskuti kona-ba terrenu no propriedades hirak ne’ebé tama ba iha kompetensia MTCI nia hodi jere ba fatin turizmu, liliu iha munisípiu sira hanesan; Baucau, Liquica no Ainaro.

Ministru Justisa agradese ba MTCI ho Vise-Ministra Turizmu, Komunitáriu no Kulturál ne’ebé mai ona vizita iha Ministériu Justisa.

Segundu, kona-ba fatin turizmu no sitiu istoriku sira, Ministru Justisa Dr. Tiago amaral Sarmento husu ba MTCI atu identifika fatin turizmu hotu iha Timor-Leste inklui pouzada sira iha Timor-Leste, hafoin bele submete pedidu mai Ministériu Justisa, hodi nune’e Ministru Justisa hare hodi bele despaisu no orienta ba Diretor Jeral Servisu Terras e Propriedades no Servisu kadastrus atu ho ekipa MTCI bele tun hodi halo levantamentu kadastrus dala ida deit, hodi bele atribui ba MTCI hodi jere.

Hafoin reuniaun ho Ministru Turizmu, Komersiu no Industria ho ninia Vise, Ministru Justisa kontinua simu no reuniaun ho Reprezentante husi Xefe Kasa Militar Prezidensia Repúblika nian.

04 Outubru 2022
#Media_Gabinete_MJ