VISE MINISTRU JUSTISA AUDENSIA HO KOMISAUN A PARLAMENTU NASIONAL


Dili, 5/10/2022, Sua Exselensia Vise Ministru Justisa Dr. José Edmundo Caetano (Saka Timor), Audensia ho Komisaun A Parlamentu Nasional Asuntu Konstitusional I Justisa hodi Diskuti kona ba Projeitu lei Premieira Alterasaun Lei no. 25/ 2021 de 21 dezembru, sobre Organizasaun Judisiaria iha Timor Leste, Kuarta-feira ne’e iha sala enkontru komisaun A PN.
Iha diskusaun ne’e, prezidi husi Prezidenti Komisaun A Parlamentu Nasional Dr. Joaquin dos Santos (Borluli) akompanha husi Membru komisaun A, prezensa mos Vise Ministru Justisa, Prezidenti Tribunal Dr. Deolindo dos Santos, Prokurador Geral, Ministeriu Publiku i partisipa husi asesor internasionais , Diretor Nasional Apoiu Juridiku Legislasaun-MJ Dr. Nelinho Vital no tekniku superior sira iha Komisaun A.

Iha diskusaun ne’e, relasiona ho primeira alterasaun projetu lei no. 25/v/3a 2021 konaba organizasaun judisiaria nian, ne’ebe harii komisaun instaladora rekrutamentu judisiais foun hodi hari’i Tribunal Supremu liga mos oinsa hadiak Sistema judisiaria iha Timor Leste. Iha fulan rua liu ba kotuk iha klauzula transzitoriu ida hare ba komisaun instaladora maibe lakonsege implementa no prazu liu tiha tamba ne’e Prezidenti Republika Dr. Jose Ramos Horta lakoi dekreta komisaun refere. Nune’e Prezidenti husu mai iha parlamentu nasional atu halo rekomendasoens lei refere.

Tamba ne’e, komisaun A halo audiensia ho prezidenti Tribunal, ministeriu publiku, no ministeriu Justisa atu hare fila fali ba iha lei komisaun instaladora atu hari’i Supremu Tribunal no Justisa.
Komisaun A anota hela rekomendasoens sira husi orgaun judisiaria no orgaun executivu parte justisa,no komisaun A sei hare tan loron rua ka tolu hanesan ne’e hodi bele finaliza tiha lei refere nune’e submete fila fali ba iha parlamentu nasional hodi halo diskusaun no aprovasaun ba projetu Lei refere.

Entre tantu, intervensaun husi Vise Ministru Justisa hateten “atu hari’i tribunal supremu iha Timor Leste, presiza rekursu umanu nebe diak atu nune’e bele hare diak lui tan Sistema judisiariu iha nasaun ida ne’e hodi bele hare kualidade judiasiaria iha ita nia rain kompara mos ho judisiais internasionais.”

Arcanjo Viana das Neves
Media Gabinete Vice Ministru Justisa