Primeiru Ministru no Ministru Interior, Jeneral Taur Matan Ruak lidera Sorumutuk Konsellu Ministru Ordináriu Segundu semana fulan-Outubru nian, iha Palásiu Governu, Dili, Kuarta (13/10).

Dili, MJ: Kuarta-feira (12/10) ne’e, Ministru Justisa Dr. Tiago Amaral Sarmento ho tekniku sira Ministériu Justisa nian partisipa iha Sorumutuk Konsellu Ministrus Ordináriu, segundu semana fulan Outubru nian ne'ebé hala'o iha Palásiu Governu, Dili.

Iha Sorumutuk ne'ebé lidera husi Primeiru Ministru, Jeneral Taur Matan Ruak ne'e, Ministru Justisa, Dr. Tiago Amaral Sarmento ho Diretor Ezekutivu Trade Invest, Arcanjo da Silva halo aprezentasaun kona-ba avaliasaun implementasoen ba akordu Espesial ba Investementu ne’ebé hala’o ona entre Governu Timor-Leste ho Sosiedade Komersial Ensul Meci ka Dili Financial Bussiness Center (DFBC).

KM aprova mos projetu Dekretu-Lei, ne’ebé aprezenta husi Primeiru-Ministru, Taur Matan Ruak, ne’ebé prosede ba alterasaun dahuluk ba Dekretu-Lei n. 37/2022, loron 25 fulan-maiu, kona-ba subsídiu fim do ano ba uma-kain sira, hodi klarifika ámbitu husi sira nia aplikasaun.
Hetan mós aprovasaun ba projetu Rezolusaun Governu, ne’ebé aprezenta husi Ministra Negósiu Estranjeiru no Kooperasaun, Adaljiza Albertina Xavier Reis Magno, ho objetivu atu ratifika ba Adezaun Timor-Leste ba Akordu kona-ba Medida sira Estadu Portu nian hodi prevene, impede no elimina peska ilegál ne’ebé la deklara no la regula (PSMA, sigla iha lian inglés).

Ministru Justisa Dr. Tiago Amaral Sarmento konversa ho II Vise Primeiru Ministru no Ministru Planu Ordenamnetu , Jose Reis no Ministru Petrolium no Minerais, Vitor da Conceicão Soares, Palasiu Governu, Dili, Kuarta (12/10).

Akordu ba Medida Estadu Portu nian hanesan instrumentu internasionál ida ne’ebé hakarak prevene, impede no elimina peska ilegál ne’ebé la deklara no la regula, liuhusi aplikasaun medida Estadu portu ne’ebé efisiente no, ho nune’e hodi asegura konservasaun prazu naruk no esplorasaun sustentável ba rekursu husi tasi ne’ebé moris no ekosistema tasi.

Konsellu Ministru delibera ona hodi autoriza Ministru Transporte no Komunikasoins, José Agostinho da Silva, ba negosiasaun no asinatura Akordu rua ba servisu Aéreu sira entre Repúblika Demokrátika Timor-Leste no Reinu Kamboja no Portugál.

Objetivu hosi akordu sira-ne’e mak atu estabelese no kompleta-malu ba Konvensaun kona-ba Aviasaun Sivil Internasionál, hodi estabelese no halo operasaun servisu aéreu nian entre territóriu sira neébé refere no husi territóriu sira ba territóriu sira seluk.

12 Outubru 2022
#Media_Gabinete_MJ