MINISTÉRIU JUSTISA KONTINUA HALO ATENDIMENTU EMISAUN PASSAPORTE NO BILLETE IDENTIDADE BA ESTUDANTE NO SIDADAUN TIMOROAN SIRA IHA ESTRANJEIRUS HANESAN FILIPINA NO VIETNAM

Ekipa Ministériu Justisa ne'ebé lidera husi Diretor Nasionál Identifikasaun Sivil no Rejistu Kriminal, Vitor Neto foto hamutuk sidadaun Timor-Leste sira iha Filipina.

Vietnam, MJ: Diresaun Nasionál Identifikasaun Sivil no Rejistu Kriminal, Ministériu Justisa iha Segunda semana ne'e halo atendementu iha diaspora ( Nasaun Filipina no Vietnam) hodi trata sidadaun sira Timor oan hirak ne'ebé estuda iha Filipina no Vietnam ninia dokumentus hanesan Passaporte no Billete Identidade (BI).

Depois de terminar atividade iha Manila Filipina, durante loron tolu Segunda (17/11) ate Kuarta-feira (23 /11) no iha Kuarta-feira (23/11) kalan né kedas ekipa Ministériu Justisa ba kampo aviasaun hodi kontinua viagem ba iha Hanói- Vietnam. Ekipa sai husi Manila iha oras 23h.10 no too iha Hanói-Vietnam iha oras tuku 03.25 madrugada oras Vietnam.

Iha Kinta-feira (24/11), tuku 10:00 dader oras Vietnam (12:00 OTL) ekipa halo reuniaun ho Embaixador Timor-Leste iha Vietnam Sra.Olandina Caero no hafoin reuniaun ekipa MJ kontinua ba Provínsia Tháy Nguyên, fatin ne'ebé estudantes Timoroan sira hodi estuda ba hodi hahu halo attendementu trata Passaporte no Billete identidade ba estudante sira iha ne'eba.

Ekipa Ministériu Justisa ne'ebé lideradu husi Diretor Nasionál Identifikasaun Sivil no Rejistu Kriminal, Sr. Vitor Neto foto hamutuk ho estudantes no sidadaun Timor-Leste sira iha Vietnam.

Iha Filipinas ekipa konsege atende emisaun BI ho Passaporte hamutuk 54 (passaportes 27 no BI 27) pessoas, compostos husi padres, madres, Frater sira ho estudantes balun. Enkuantu aplikante nain 5 mak ekipa labele atende tamba linha internet monu iha Timor.

Enkuantu iha Thái Nguyên, Vietnam ohin dader mak ami hahu atende tanba linha internet iha Timor liuliu Ministeriu Justisa nia foin rezolvidu, no dadaun konsege emite ona dokumentus hamutuk 37 ba estudantes no Bilhete de identidade 28 pessoas, no passaporte nain 9.
Total Estudantes Timoroan iha Vietnam hamutuk 59 pessoas.

Ekipa Ministériu Justisa sei hamutuk ho Estudantes no Embaixadora Timor-Leste iha Vietnam, Sra. Olandina Caero sei selebra Loron Proklamasaun Independensia Timor-Leste nian ba dala 47° iha Embaixada Timor-Leste iha Vietnam.

25 Novembru 2022
#Media_Gabinete_MJ