Liquiça, 11-1-2023, Sua Exselensia Vise Ministru Justisa Dr. José Edmundo Caétano (Saka Timor) Partisipa Diskusaun Projetu Lei no. 18/v(3a) Konaba Altera Kodegu Prosesu Penal. Kuarta-feira ne’e, Komisaun A Realiza iha Salaun IADE Liquisa.

Diskusaun Lei ne’e, diriji husi Prezidenti Komisaun A Parlamentu Nasional assuntu konstituisaun Lei no Justisa Dr. Joaquin dos Santos Borluli, prezensa mos husi deputadu membru Komisaun A no partisipa husi proponente sira hanesan, Prezidenti Tribunal Rekursu Dr. Deolindo dos Santos, Vise Ministru Justisa Dr. Jose Edmundo Caetano, Defensor Publiko Dr. Cancio Xavier, Ministeriu Publiku Juiza Angelina no PNTL inklui tekniku Lejislasaun Husi Ministeriu Justisa no advogado privadu sira.

Komisaun A Parlamentu Nasional realiza diskusaun ba projetu lei no. 18/v(3a) konaba alterasaun kodegu prosesu penal ne’e, durante loron tolu no sei kontinua iha semana oin konforme ajendamentu husi komisaun A. Entretantu diskuti no aprovasaun ne’e komesa husi proposta sira hanesan proposta no.3 ajustamentu bai ha artigu 81 no proposta 6 no 7 ajustamentu artigu 195 no aprova mos rekomendasoens sira. No diskusaun no aprovasaun ne’e sei kontinua to’o sabado.