Limpeza Jeral Ministériu Justisa

Dili 11–01–2013, Vice Ministru Justisa, Ivo Valente hamutuk ho funsionarius público Ministerio Justisa participa iha loron Limpeza Jeral.

Limpeza nebe halao husi Becora-Bekusi ( Terminal Autocarro ) besik ponte Kamea hahu tuku 07. 00 dader, hodi Raut foer, Hili foer no tau hamutuk iha lixo sira nebe namkari iha Estrada ninin, Valeta kuak, uma oin, uma sorin, tesi mos ai hun balun nebe tohar, Dasa dalan Ema lão fatin.

Participa mos Liders Ministério Justisa sira hanesan Ministru Justisa DR. Dionosio Babo, Sec. Estado Terras e Propriedades Eng. Jaime Xavier Lopes, Directores Nasional noo Chefe departamentos Ministério Justisa nian.

Limpeza ne termina iha Mercado Becora, ho orientasaun verbal husi Vice Ministru Justisa Ivo Valente, konaba limpeza ne, no fo Instrusaun atu kontinua Servico iha parte loraik iha Ministerio Justisa. Vice Ministru Justisa Ivo Valente husu ba funsionarios hotu – hotu nebe iha servico urgente atu bele ba ida – idak nian gabinete.

Loraik ida ne mos Ministerio Justisa sei halo sorumutu ho Komissaun A Parlemento Nasional , hodi diskuti Orcamento Jeral ba Ministerio Justisa tinan 2013.

Honorio dos Santos
Gabinete Vise Ministru Justisa
Media Officer