Komunidade Husu Sertifikadu Antigu Labele Uza

Konsulta Públika iha Liquiça,

KONSULTA publiku ba dasanuluresin rua iha distritu liquisa, Segunda, (17/8) liu ba, komunidade husu ba Ministra atu elemina tiha artigu 3 alineia dahuluk to’o dahat nian ne’ebé koalia konaba direitu uluk nian iha draft ba ante projektu lei rai nian.

Tanba tuir sira, wainhira artigu refere mak governu tau konsiderasaun sei fo dalan ba ema sira ne’ebé uluk iha tempu okupasaun halo sertifikadu ho obrigatoriu, ka la tuir dalan legal.

“Durante ne’e problema ne’ebé hau hasoru mak problema rai.hau sai hosi hau nia uma hodi hela iha uma estadu tanba, loron-loron komunidade sira sempre ba hato’o sira nia preokupasoens no sira nia problema konaba rai. Maibe hau muda ba uma estadu la taka dalan katak hau atu la atenede ona komunidade sira.”

Ministra hateten, lei beis e moveis (benda-benda tidak bergerak-red) ne’ebé uluk, ho ninia karakter provizoriu, lei refere mos la fo dalan atu governu hasai sertifikadu ba ema ne’ebé atu sai nain ba rai.

Ministra salienta mos katak, durante ne’e nia la’o haleu distritu tanba iha hanoin balu ne’ebé importante tau konsiederasaun hodi bele aprezenta mos iha Konsellu Ministru.

Wainhira draft lei ne’e sai ona ba lei tuir ministra, ema hotu tenki kumpri.

Tanba lei ne’e ba ema hotu no ba interse publiku laos ba interese ema ida nian lei refere sei sai diak ba ema hotu.

Iha fatin hanesan, Administrador Distritu Liquiça. Leonel de Jesus hateten, durante ne’e ema hotu hatene katak, problema rai sai hanesan problema ne’ebé bo’ot iha ema nia moris lor-loron.

Ho ida ne’e tuir administrador katak, ema hotu bele fo nia opiniaun atu bele hadia buat ne’ebé ema hotu hein. Lei rai sai importante ba ema hotu.

Iha fatin hanesan Diretur hosi Diresaun Nasional Terras Propriedade e Servisu Cadastrais (DNTPSC) hateten, ema hotu iha direitu atu hato’o sira nia deklarasaun ba Ministra da Justisa.

Hatan ba preokupasaun hirak refere, Ministra Justisa, Lúcia Lobato hateten, Governu kaharak atu rona komunidade nia hanoin konaba rai no direitu fundamental ida-idak nian. Durante ukun a’an Timor Leste seidauk iha lei kona ba rai.

Maibe durante ne’e Timor Leste uza deit lei ba veis e movies ne’ebé la fo satisfasaun ba ema tomak enklui mos estadu.

Ministra hateten, ema hotu iha direitu atu hato’o hanoin no kritiika sira, maibe wainhira kato’o kritika tenki fo hatene mos ninia alternativa.

Selae tuir ministra sei la tau konsiederasaun ba kritiika sira refere.



Ananias Babo Horta
Media Officer Ministerio da Justisa.
No Kontaktu : (670) 7348624
Por Ananias Babo Horta