MJ Tenki fo apoiu Maximu iha Distritu

Ministeiru da Justisa liu hosi Diresaun Nasional Terras Propriedade no Servisu Kadastrais (DNTPSC) Sexta, (8/1) liu ba Koloka ona ninia funsionariu nain 29 ne’ebé iha Agostu 2009 tinan kotuk remata ona sira nia estudu tekniku konaba rai nian iha Universidade Gadjahmada Indonesia.

Sermonia Despedida ne’ebé hala’o iha Sala ARD nian balide Dili ne’e hetan partisipasaun Maximu hosi Diretur DTP Distritu tomak. Enklui mos diretur hosi Diresaun Nasional Registo Notariado (DNRN), Diretur Nasional da Administrasaun Finças (DNAF) no funsionario tomak DNTPSC nian.

iha sermonia refere Ministra da Justisa, Lúcia Maria Brandão Freitas Lobato hateten, ministritu sente Orgullo tanba estudante nain 40 ne’ebé iha 2008 liu ba Ministeiru Justisa haruka ba tuir estudu tekniku iha indonesia bele fila ho kontente tanba sira hetan duni rezultadu ne’ebé diak durante sira nia estdudu.

Nune’e ho sira nia matenek ne’ebé sira hetan durante tinan ida (1) nia laran sira bele mai aplika fali iha Timor Leste (TL), nune’e sira mos bele fo sira nia kontribuisaun ne’ebé bo’ot ba nasaun. Nune’e tuir Ministra katak, ne’e hanesan susesu bo’ot ne’ebé mak ministreiru halo.

Antes funsionariu sira atu ba distritu MJ mos husu ba funsionariu hirak refere, atu halao servisu ho diak nune’e mos ho esforsu tomak.

Iha tempu badak MJ promete sei esfosrsu hodi haruka hikas funsionariu nain ne’en (6) hosi nain 40 ne’ebé tinan liu ba ba hasai ona sira nia estidu iha indonesia atu ba amumenta tan sira nia estudu iha estranjeiru.

“Hau seihalo esforsu atu sira nan 6 hosi nain 40 ne’ebé iha 2008 liuba ba halo ona sira nia estudu hodi ba aumenta tan sira nia estudu, no sira seluk ne’ebé seidauk hetan oortunidade hanesan ne’e husu atu servisu lai hodi hein sira ne’ebé ba fila mai.” dehan Ministra.

Haree ba rekursus humanus ne’ebé sei menus nune’e mos hanesan Funsionariu Públiku tuir Ministra, tenki prontu atu fo apoiu servisu iha fatin ne’ebé deit wainhira iha fatin refere presiza atu fo apoiu.

Antes remata deskursu MJ apela ba funsionariu tomak ne’ebe partisipa iha sermonia refere katak, hosi nia parte sei esforsu aan hodi koalia ho Konsellu Ministru atu iha tinan 2010 ne’e la iha tan funsionariu temporariu iha Ministeiru Justisa.

“Ba 2010 tinan ne’e hau sei koalia ho konsellu ministru hodi haree ba estatuto funsionariu sira nian nune’e ba oin funsionariu temporario sira sei sai hotu funsionariu permanente enklui mos funsionariu ARD nian ne’ebé durante ne’e hetan apoiu husi USAID, wanhira sira nia kontratu ho USAID remata sira direitamente sei sai hotu funsionariu Ministeiru Justisa,” Ministra hateten.

Iha fatin hanesan Diretus DNTPSC, Antonio Verdial de Sousa hateten, nia parte sente Orgullu tanba ho Ministra nia esforsu bele haruka estudante nain 40 ba hasai sira nia estidu tekniku nian iha indonesia hodi bele hakaman servisu DNTPSC nian ne’ebé durante ne’e menus Rekursus Humanus.

Verdial Salienta mos katak, hosi nain 40 ne’ebé ba hasai ona sira nia estiudu iha indonesia no fila iha Agostu tinan kotuk, labele atu ba liu distritu tanba sira sei tuir treinamentu durante fulan 3 iha Dili. No hosi sira nain 40 ne’e iha funsionariu foun nain 11 sei la koloka ba distritu tanba sira sei fo apoiu servisu iha nivel nasional.*

Ananias Babo Horta
Media Officer Ministeriu Justisa.
No Kontaktu : (670) 7348624