REPÚBLICA DEMOCRÁTICA DE TIMOR-LESTE

REPÚBLICA DEMOCRÁTICA DE TIMOR-LESTE

DESPACHO

29/SEJD/X/2009

Establesementu Komisaun Instaladora Kursu Edukasaun Fizika no Desportu



Konsidera katak: Nasaun foun Timor Leste kontinua hasoru dezafiu oin-oin iha prosesu dezenvolvementu nasional. Dezafius sira ne'e inklui ladun iha profesores/profesoras nebe iha spesializadu ba hanorin material spesifiku sira, inklui edukasaun fizika no desportu, la iha atividade sistematiku ba edukasaun desportu iha escola no iha komunidade, seidauk iha jestor desportu no edukasaun fiziku nebe kualifikadu, la iha ekipamentu desportu nebe efisiente, no seidauk iha kurikulum edukasaun fizika no desportu.



Hare mos katak: iha Planu Dezenvolvementu Nasional mos hato'o katak programa nebe persija halao iha parte promosaun edukasaun fizika no desportu inklui; kapasitasaun no strutura instituisoens desportivu sira; Formasaun ba profesores/profesora no treinadores sira; no rehabilitasaun ba fasilidades desportu.



Refere ba: SEJD nia Lei Organiku rasik, haktuir iha Artigo 10 katak SEJD liu husi Dirasaun Nasional Desportu sei halao atribuisoens nebe inklui; propoen atu adopta programas hodi promove pratika desportiva no nia jeneralizasaun, kria no jere programas liu husi medidas de apoio ba formasaun ajentes desportivu.

Ho konsiderasaun hirak ne'e decide: Establese Komisaun Instaladora Kursu Edukasaun Fizika no Desportu. Objetivo Komisaun ida ne'e nian mak Dezenvolve planu, halo esforsu no inisiativa oin-oin no fo asistensia tomak ba prosesu establesmentu Kursu Baxarelatu Edukasaun Fizika no Desportu to'o kompletu. Planu ne'e persija fo konsiderasaun ba ligasaun intitusional entre departementus iha SEJD, ho Sekretaria Estadu no Ministeriu relevante sira seluk.



Kompozisaun membros Komisaun Instaladora Kursu Edukasaun Fizika no Desportu mak hanesan tuir mai ne'e:



































































Servisu hotu-hotu Komisaun nian nudar hato'o iha Termus Referensia (Anexu). Komisaun efetivamente halao ninia servisu hahu husi data decizaun ne'e hasai no sei hakotu sira nia servisu iha 31 Dezembru 2009. Kontinuasaun servisu komisaun ne'e sei sai nudar sujeitu ba konsiderasaun no desizaun Sekretariu Estadu ba Juventude no Desportu.



Dili, 01 Outubru 2009





Eng. Miguel M.G. Manetelu

Secretário de Estado