DILI- Relasiona ho problema pasaporte Timor Leste nian ne’ebe mak sai problema iha nasaun estranjeiru Ministru Negosio Estranjeiru (MNE) hamutuk ho Ministru Justisa (MJ) iha ona politika foun atu halo foun pasaporte Timor Leste nian tuir estandar Internasional nia.

Tuir Ministru Justisa, Dionisio Babo hateten katak pasaporte Timor Leste nian la los ne’e sala tanba seidauk iha informasaun ida husi organijasaun internasional ne’ebe mak kaer asuntu pasaporte nian atu dehan katak pasaporte Timor Leste nian la vale.

“Ema balu dehan katak pasaporte TL nian ema la rekuinese ne’e sala ne’ebe hau husu para atu kuriji tia buat sira ne’e tanba ita seidauk simu informasaun ida hosi organijasaun internasional ne’ebe mak kaer pasaporte ne’e konaba ita nia pasaporte nebe komunidade internasional balu dehan la bale ne’e bosok tanba ema barak kolia dehan pasaporte sira tenke iha ona mikrosif par a bele dizitaliza iha aerporto internasional sira maibe ita mos tenke hein lai iha anunsiu formal mak ita bele foin halo foun tanba ita kuaze involve osan barak tebes hodi halo pasaporte ne’e kuaze 2 miloens dolar para hetan teknolojia ida hanesan ne’e,”hatete Deonisio Babo. iha edifisiu MNE Pantai Kelapa Dili,Kuinta Feira (19/09).

MJ mos informa tan katak Nasaun kiik barak iha mundu ne’e mos sei uza manual hanesan ita nia agora ita uza neé, mas kuandu nasaun hotu –hotu uza ona Microsif ne’e Timor Leste mos prontu atu bele uza se iha ema balu bandu hau hare ita persija kolia kestaun ne’e ho Primeiru Ministru , Ministra Financa atu bele hare asuntu ida neé ,mais ita respeita normas sira ne’ebe mak komonidade internasional sira halo ne’e”dehan Minsitru Justica Dionisio Babo.

“se pasaporte ne’e persija tau Microsif ita tenke tau maibe agora informasaun dehan ita nia passaporte la vale neé la los ne informasaun sira ne’ebe mak kolia deit iha lidu-lidun sira neé,iha nasaun kik barak mak seidauk uza Microsif ne’e maibe iha nasaun bot sira uza ona buat ne’e se ita hakarakl uza ida ne’e entaun husu ba ita nia nai ulun sira iha PN para bele aprova osan mai para ita hadia, mais ami hare ona karik osan iha it abele halo”.

Iha fatin seluk Vice Ministsru Negosio Estranjeiru Costanicio Pinto informa mos katak hare ona atu oinsa emiti fali pasaporte foun ho siguransa hanesan ho rai seluk ne’enbe iha no agora iha Timor Leste ita fiar kaata iha tempo badak ita bele iha mos pasaporte foun ne’ebe bele uza sistema hanesan ho nasaun sira seluk uza ona .hatete Constansio.