DILI-Ministru Justica Dionisio Babo hateten katak hahu husi tinan 2014 sidadaun Timor oan hotu neeébe agora dadaun hela iha propriedade estadu hanesan uma ho rai tenke selu tasa ba estadu tamba uma ho rai sira neébe maka estadu Indonezia husik hela agora neé partensia ba estadu Timor Leste mak sei adminstra hotu.

“Iha primeiru Governu Konstituisional neébe maka lidera husi Eis Primeiru Ministru Mari Alkatiri ita tempu neéba komesa registu ba propriedade neébe mak uluk ema Indonezia soe hela tama hotu ba estadu Timor Leste”Dehan Ministru Justica iha Lecidere Sexta (21/09).

Ministru mos informa tan katak uma sira neébe ita ba okupa neé laos ita nia tamba estadu mak administra tamba neé tenke selu ba estadu neé duni komunidade sira konsege selu duni tasa ba estadu,maibe iha tinan 2007 liu ba eis Prezidente da Republika,Jose Ramos Horta haruka para tia tamba ita iha krizi nia laran,e agora krizi liu tea ona tenke selu fila fali ba estdu liu-liu ba Timor oan sira neébe hela iha uma estadu.

“Tama iha tinan 2014 estadu kontinua hikas fali selu ona tasa neé duni husu ba ema hotu ne’bee hela iha uma estadu komesa fali selu ona tasa ba estadu atu nune ema hotu iha hanoin atu labele ejiji mak estadu deit maibe tenke kontribui mos ba estadu,karik ita la selu estadu atu foti tan osan husi neébe mak atu bele halo dezenvolvimentu iha ita nai paiz ida neé”Dehan Ministru Justica.

Entertantu Manager Program Asosiasaun Hak Asasi Manusia ou Direitus Humanus Sisto do Santos hateten katak atu selu tasa ba estadu neé normal maibe inportante mak estadu mos tenke hamosu regulamentu ida neébe klaru atu nune komonidade sira labele konfusaun.

“Agora dadaun iha maluk barak mak hela iha uma no rai estadu nain normalmente wanhira atu selu tasa ba estdu neé diak maibe inportante mak mak governu hamosu regulamentu ida neébe mak klaru nune fo serteja ba ema sira neébe mak hela neé atu selu toó tinan hira nomos ho valor osan hira atu nune transparensia ba ema hotu”Dehan Sisto.

Iha fatin seluk Franselina Amaral hanesan sidadaun neébe hela iha uma estadu iha area BTN-I Comoro hateten katak sira prontu atu selu tasa ba estadu maibe husu ba estadu atu halo dialogu ho komonidade tomak atu nune komonidade sira neébe hela iha uma no rai estadu bele komprende,husu mos ba estadu atu labele husu tasa neébe bot liu.

Publikasaun Jornal STL (24/09)