Edifiçio Ministeriu Justiça, Vise Ministru Justiça, Sr.Ivo Valente, lidera reuniaun konsellu konsultivo quinquinal, Ministeriu Justiça ( dia 24 de setembro 2013).Reuniaun ne partisipa husi dirasaun tomak iha Ministeriu Justiça, Direktor Geral, Direktores Nasionais, Chefe Departementu,Sub-Inspectur GIA, Chefe Gabinete Vise Ministru Justiça Sr.Julio Tilman.Iha reuniaun ne Vise Ministru Justiça, Sr.Ivo Valente tau atensaun ba agenda importante nudar nia knar / ka resposbalidade ba ezekusaun orsamentu tinan 2013 Ministeriu Justiça, tuir liafuan nakloke / abertura, fo hanoin ba dirasaun sira konaba tempu ezekusaun orsamentu ba tinan nee, nebe hela fulan 3, atu kaer nafatin prosedimentus ho rigor no kúmpri prosedimentu legal tuir atividade nebe iha atu ezekuta orsamentu ne, ba dirasaun ida – ida.

Vise Ministru Justiça, Sr. Ivo Valente hatutan katak foin dadauk ne halao vizita ba distritu rua, Ainaro no Suai, vizita, atu hakbesik ba funsionarius publikus dirasaun sira nian, nebe lamenta konaba transporte no orsamente atu halao servisu kadastru ba iha sub-distritu refere.

Ikus liu kada dirasaun sei fo hatene atividade durante semana rua kotuk sira halao noo informa ba konsellu konsultivo konaba planu atividade semana rua ba oin. Husi Direktor Geral, Dr. Francisco Carceres informa katak foin dadauk ne halao service ba distritu hanesan Lautem, vizita sub distritu rua hanesan Tutuala, Com / Lautem, sei hili fatin ida atu halao retiru ba dirigentes, Ministeiru Justiça nian, tentativa atu halao iha fulan oin mai. Objectivo ba retiru ne atu explika no konta fali historia ba Lingua Portugues nebe mosu iha Timor – Leste. DG mos informa ba iha ne katak dia 28 fulan ida ne sei akompanha funsionarius publikus 14 pessoal ba halao kursus Lingua Portugues durante fulan 3 iha Universidade Clacica, Fakuldade Letras, Lisboa Portugal.

Reuniaun ne inicia tuku 14:45 termina iha oras 17:30