Ministeriu Justisa liu husi Gabinete Inspesaun Geral (GIA) partisipa Seminaru internasional ho tema “Promove kompentensia auditor internu hodi atinji governasaun no atendimentu publiku neebe diak” seminar nee realija husi Inspector Geral do Estadu servisu hamutuk ho Yayasan Pendidikan Internal Audit (YPAI) indonesia halao iha hotel Novo Turismo (29/03/2017.

Iha biban ida nee Inspector Geral do Estadu Sr. Francisco de Carvalho iha nia intervensaun ba seminariu ne’e hateten IGE asina MOU ho Yayasan Pendidikan Internal Audit/YPIA hahu husi tinan 2013 hetan apoio osamentu husi Fundu Dezemvolbementu Capital Humanu (FDCH) hodi fasilita funsionario estadu nian bele tuir formasaun no treinamento konaba oinsa halo auditoria internal ho diak ba funsionario, liu liu funsionario teknik sira iha inspesaun geral do estadu no mos funsionario inspesaun geral iha nivel ministerial ida-ida, ne’e hanesan politika governu nian oinsa atu haforsa institusaun Estado iha area internal audit.

MOU intendimentu assina husi Iinspesaun Geral do Estadu (IGE) ho Yayasan Pendidikan Internal Audit (YPIA) durasaun ba tinan ida no kada tina sei iha kontinuasaun, formasaun nee laos foin mak halo maibe halo ona iha tinan hirak liu ba haktuir husi Inspector Geral do Estadu, Sr. Francisco De Carvalho.

Iha fatin hanesan Ketua Umum Yayasan Pendidikan Internal Audit YPIA Sr.Ridwan Fatarudin hateten katak, YPIA hanesan institusaun educasaun ida neebe hari iha tinan 1995 no mos akreditadu iha rai laran no internasionais. YPIA hari ho missaun atu fo kapasitasaun ba pesoal sira neebe iha profisaun auditoria atu nunee bele sai auditor ida neebe ema dehan Qualify Internal Auditor (QIA). YPIA fo ona formasaun ba ema 3600 mai husi impresario institusaun governu nia no organijasaun boot sira hanesan BPK, BPKB inspectoral keuangan , KPK, banku balun hanesan Banku Mandiri no seluk seluk tan.

Senhor Ridwan Fatarudin mos hateten katak atu sai Internal Auditor la’os ema ne’ebe ho background edukasaun iha area kontabilidade maibe realidade hatudu katak iha kuanje 80% ema ne’ebe halo servico hanesan internal auditor mai ho background Injineiru no 20% deit maka mai husi area kontabilidade.

S.E. Ministro Kordinador Asunto Administrasaun no Justisa Sr. Dionisio Babo iha abertura ba seminariu ne’e hateten, “nia apresia ho seminariu ne’ebe hala’o husi Inspesaun Geral do Estadu (IGE) ho Yayasan Pendidikan Internal Audit (YPIA) hodi bele hadia kapasidade internal audit iha institusaun estadu nian no bain hira ita halo Audit ba institusaun estado sira, buat neebe importanten tebes mak hanesan: tenki iha kapasidade, abilidade, komportamentu, ida nee mak importante ba internal audit”.

Orador dahuluk ba seminariu ne’e Sra. Meidijah Indreswari, Ph.D aprejenta material konaba membangun, mengelola dan meningkatkan kompentensi auditor interna pemerintah untuk mewujudkan pemerintahan dan pelayanan public yang baik. “Desenvolve no hasa’e konesimentu Auditor Internal estadu nian atu bele alkansa objetivu estadu, hodi halo atendimentu ne’ebe diak ba publiku”.

Orador ba daruak Sr. Mokhamad Sonhadi, MM aprejenta material kona ba stratezia saida mak ita foo ita nia hanoin wain hira sai testamunha peritu iha tribunal, wain hira ita sai peritu labele tauk maibe hatan tuir buat neebe ita hatene hodi nunee juiz sira labele halo pergunta barak mai ita diak liu hatan tuir buat neebe ita hatene hodi fasilita juiz nia konesimentu.

Partisipate ba iha seminariu ne’e mai husi Gabinete inspesaun Geral Ministerio Justisa Sr. Lucas Antonio da Costa ho nia funsionario tomak, Provedor Direitus Humanus no Justisa (PDHJ) Sr. Silveiro Pinto Batista, Gabinete Inspesaun Geral PNTL, F-FDTL no Funsinario Inspesaun Geral do Estadu, seminar nee hahu tuku 8:30 no ramata Tuku 5:00 la’o ho susesu.