Dili,, Komoro-Governu dahituk, Ministra Justisa S.E. Dra. Maria Ângela Carrascalão partisipa inagurasaun Klinika Ordem De Malta iha Timor Plaza ne'ebé hamutuk ho membrus governu dahituk hanesan representante Primeiru Ministru, Presidente Konsellu Ministru Dr. Adriano Nasimentu, Ministru Turismu Dr. Manuel Vong, Vise Ministru Saúde Dr. Luis Lobato, Ex. Premeira Dama Dra. Isabel Ferreira, Ministru Defesa Dr. Jose Agustinho Siqueira (Somotcho), Vise Ministru Turismu Rui Menezes, Diplomata no Emprezaria sira, loron 07-11-2017.
Iha ninia diskursu, Sr. Jape Chum Shum fó apresiasaum bót ba membrus governu dahituk bele marka presensa iha fatin ne'e, ita hamutuk inagura Klinika Ordem De Malta atu fó asistensia ba povu rai Timor ne'e. Primeiru hakarak konta hau esforsu atu promove Timor ba mundu tomak liu – liu ba investor sira kata Timor – Leste nu'udar fatin ida atu halo investimentu,


nune'e Avo Jape mós hakarak loke serbisu ba timor oan sira. Tanba agora dadaun timoroan atus ba atus mak serbisu iha Timor Plaza no iha fatin seluk, Avo Jape mós hanoin katak depois timor ukun An tenki fornese mós nesesidade ba timoroan sira liu hosi Timor Plaza no loja sira seluk atu nune'e timoroan bele hetan nesesidade báziku sira. Avo Jape mós idade bót ona tinan 93, tanba ne'e buat ne'ebé nia halo ba rai ida ne'e la'os nia atu buka osan ka buka naran, maibé saida mak nia halo ne'e ba povu no rai ida ne'e nia diak.
Diskursu hosi representante governu dahituk, Presidente Konsellu Ministru Dr. Adriano Nasimentu hateten, hau lori Premeiru Ministru nia naran hosi governu dahituk fó apresiasaun bót tebes ba inisiativa avo Jape ne'ebé lori duni esperansa ba povu Timor – Leste tanba hanesan nia hatete ninia mehi oinsá mak atu investe iha ita nia rai. Dezenvolve Timor-Leste no hadi'a povu nia moris la'os liu deit instuisaun Governu ninian, maibé liuhosi mós instuisaun privadu liu – liu ba setor privadu no emprezariál sira, atu nune'e ita lori povu no nasaun ninia esperansa atu transforma Timor – Leste sai diak ba futuru.
Inagurasaun ne'e termina iha oras 11:37, depois de kafe fahe malu.