"Notícia em Português"
Dili-MJ, loron kinta feira 15-03-2018, Sra. Ministra Justisa Dra. Maria Ângela Carrascalão, hala'o abertura ba Semináriu Internasional ho topiku :"A DEFENSORIA PÚBLICA no ESTADO de DIREITO DEMOCRÁTICO UM OLHAR INTERCULTURAL SOBRE O DIREITO de ACESSO à JUSTIÇA em TIMOR-LESTE" hala'o loron rua (2), 15-16, iha edifisiu foun, salaun konferênsia Ministériu Justisa.
Semináriu abertura ne'e ho lian nakloke Sra. Ministra Justisa hatete defensória públika Timor-Leste nia servisu ativu hela deit ne'ebé la para ka deskansa tuir programa asesu justisa nian, hatudu ninia profesiolismu ne'ebé bót, sentidu ba servisu públiku no nia komprimisiu ho missaun konstituisinal no legal ba defeza vulneráveis sira (kbit laek).

Iha semana kotuk, iha konferênsia ida ne'ebé organiza husi Tribunal Rekursu, hau agradese ba União Europeia no Portugal nian promosaun no asaun, oinsa atu haforsa instituisaun justisa nian no konsolida Estadu de Direitu Demokratiku de Timor-Leste, liu-liu ba reforsa justisa nian no organizasaun judisiaria. Iha âmbitu Defensoria Públika nian, ita hatene hotu katak Brasil hanesan ita nian parseiru prinsipal, ho kooperasaun Brasil mak ita hetan tulun fundamental ba prosesu fortalesimentu instituisional.

Ita hatene hotu katak Brasil sira iha orgulhu ne'ebé bót iha Defensória Públika nian, ne'ebé inspira mós ita, hala'o hela servisu ida ne'ebé seguru katak Defensoria Públika sei hala'o asesu igualtariu ba justisa nian, ne'ebé sei sai realidade iha ita nian rai. Estadu hala'o tuir ninia komprimisiu no garante mós katak sidadaun hotu-hotu iha valor ba nian direitu iha Tribunal atu bele iha akonselhamentu juridika ka fó konsellu ba sidadaun tomak hodi hatene ninia direitu, no sei la depende ba ninia rekursu ekonomiku nian. Povu Timor-oan hotu, sei hare Defensoria Públiku hanesan instituisaun ne'ebé nakloke ka aberta ba nian servisu.
Hau fiar katak Defensoria Públiku, sei hare mós ba interkultural, bele mós sai hanesan instrumentu ne'ebé hakbesik ba direitu formal iha Timor-oan nia VIDA lor-loron, no sei kontribui hodi haforsa Estadu de Direitu Demokrátiku.