S.E. MINISTRU JUSTISA SIMU AUDENSIA SEKRETARIA ESTADU NEGOSIU ESTRANJEIRUS NO KOOPERASAUN PORTUGAL HO NINIA KOMITIVA

Dili, MJ: Segunda feira (08/10/2018) horiseik, S.E. Ministru Justisa Dr. Manuel Cárceres da Costa, Simu audensia Sekretaria Estadu Negosiu Estranjeiru e Kooperasaun Portugal, Dra Teresa Ribeiro, iha knar fatin Ministériu Justisa, Dili.
Iha enkontru S.E. Ministru Justisa, Dr. Manuel Cárceres no Dra. Teresa Ribeiro, koalia kona-ba Programa Estrateziku ba Kooperasaun tinan 2018 -2023 entre Estadu Timor-Leste no Estadu Portugues iha setór Justisa. Planu ne'e bazeia ba planu estrateziku 2011-2013 no planu estrateziku setor Justisa nian..
Koalia mós sobre kooperasaun especifiku sira iha setór justisa nian iha nível majistura (juíz no advogadu), PSIC, Rejistu Notariadu, Servisu Prizionais, Servisu Terras Propriedades no Cadastrus, assaun formasaun no kapasitasaun institusional no apoiu ba reformas lezislativas.

Karakter kooperasaun billateral entre Estadu Timor-Leste ho estadu Portugal iha setor Justisa mak hanesan, destakamentus teknikus sira hanesan; Majistradu, (Prokurador no advogadu sira) defensória-Publiku sira, prokurador sira nomós tekniku kadastrus sira, tekniku rezistu Notariadu, nomos formador sira ne'ebé sei mai tulun iha Sentru Formasaun Juridiku no Judisiaria.
Resposta ba ita nia pedidu hirak ne'e " Iha tempu badak ita sei hetan tekniku nain tolu no juis Inspetor ida husi Portugal ne'ebé sei mai fó assitensia teknika ba Tribunal Rekursu Timor-Leste.

Agora dadaun Governu Portugues mós prepara hela atu halo konkursu rekrutamentu ba kandidatus teknikus hirak ne'ebé mak sei mai atu fó assitensia teknika ba Servisu Rejistu Notariadu, Servisu Terras Propriedades nomós formador sira ne'ebé sei mai Timor-Leste hodi fo suporta ba formasaun iha Sentru Formasaun Jurídiku no Judisíariu, Caicoli.
Aleinde ne'e, Ministru Justisa no Sekretaria Estadu Negosiu Estranjeirus e Kooperasaun Portugal, kolia mós sobre ajudus finansiamentu husi Uniaun Europeia (EU) ne'ebé sei uza hodi fó apoiu ba laboratoriu Polisia Sientifiku e Investigasaun Kriminal (PSIC-Sigla portugues) ne'ebé modernu.
Hafoin remata enkontru iha sesaun troka prendas entre S.E. Ministru Justisa no Sekretaria Estadu, Dra. Teresa Ribeiro.

Enkontru ne'ebé hala'o durante oras ida ne'e akompana mós husi Embaixador Portugal ba Timor-Leste, Sr. Jóse Pedro Machado Vieira no Xefe Gabinete Ministru Justisa Timor-Leste, Dr. Tomas Correia, , Diretora Jeral, Marcelina Tilam no Diretór Nasionál Assesoria Juridika no Lizislasaun, Dr. Nelinho Vital.

09 Outubru 2018
Media_Gabinete_MJ