Direção Geral dos Serviços de Registo e Notariado hala’o enkontru ho Representante BNCTL hodi koalia kona-bá fornecimento mákina P.O.S (Point of Sale) hodi fasilita prosesu ba pagamentu Passaporte Elektronika Timor-Leste (PETL) liu husi kartaun ATM


MJ/DGSRN -Iha loron terça feira, 10 fulan Março 2020, Diretor Geral dos Serviços de Registo e Notariado hala’o enkontru ho reprezentante Banco Nacional de Comércio de Timor-Leste kona-bá preokupasaun kliente sira ne’ebe trata Passaporte Elektronik Timor-Leste (PETL) ho urgente dala ruma atu ba selu iha loket BNCTL tamba oras to’o nune’e taka . Ida ne’e hanesan dezafio ida ba DGSRN.

Tamba ne’e, Diretor Geral DGSRN no Diretor DNICRC akompaña husi Xefe Dept. Apoio Gabinete Diretor Geral no Xefe Dept. IT realiza enkontro ho representante BNCTL hodi buka solusaun ba dezafio ne’ebe temi iha leten.

Representante Banco Nacional Comercio de Timor- Leste (BNCTL) konkorda atu koloka mákina P.O.S (Point of Sale) ba DGSRN hodi nune’e fasil atu halo pagamentu ba sidadaun sira nebe’e trata hela Passaporte Elektronik Timor-Leste PETL maibe sira mos husu DGSRN atu servisu hamutuk ho sira atu nune’e bele fornese mákina P.O.S (Point of Sale) ba halais prosesu pagamentu ne’ebe uza kartaun ATM.

Reprezentante BNCTL hatutan tan, iha tempu besik sei fornese gratuita ba DGSRN makina P.O.S (Point of Sale) unidade ida hodi bele fasilita kliente sira ne’ebe halo prosesu pagamento passaporte ho kartaun ATM no pagamentu liu husi ATM sei la-kona taxa ruma.

Darfela Dias Quintas
Media Official DGSRN