MJ-Loron Quinta-Feira, 02 Julho 2020, Ministerio da Justiça atravéz Direção Geral dos Serviços de Registo e Notariado (DGSRN) hala’o enkontru ho Equipa husi Unidade Tecnologia da Informação e Comunição (TIC) GPM nian, Jestora Sekretariadu ba Unique ID no ekipa husi PCM nian iha salaun DGSRN.
Enkontru refere partisipa husi, Diretor husi PCM, Sr. Fausto Gama, Sra. Cristina Lima, Assessora husi PCM, Sra. Elizabeth Baptista Jestor Sekretariadu ba ID Unique nian - husi TIC-Timor. Enquanto equipa husi DGSRN nian kompostu husi Diretor Geral ba Direção Geral dos Serviços de Registo e do Notariado, Dr. Crisogno da Costa Neto, Diretor DNRN ( Pontu Fokal MJ ba ID Unique ) Dr. João Fernandes Martins Borges, Diretor DNICRC Dr. Victor Neto, Xefe Departamento IT DGSRN Sr. Pinso Amado Sei-Sei Vieira ho funcionarios Departamento IT, Xefe Departamento Identifikasaun Sivil ho Kriminal, Sr. Domingos Ramos Ximenes, Xefe Departamento Passaporte, Sra. Maria da Conceição do Céo, Xefe TI DNAF-DGAPJ, Sr. Inocencio José Alves.

Iha enkontru ne’e, Sra. Elisabeth Baptista apresenta ba equipa DGSRN nian kona-ba Komisaun Teknika Eventual ne’ebé forma ona husi Konsellu Ministru ho base ba Rezolusaun Governu númeru 19/2020, 19 de Março, Cria Comissão Técnica Eventual Para A Preparação de Uma Estratégia Integrada Visando A Implementação de Um Sistema De Identificação Único dos Cidadão Timorenses.
Komisaun Téknika Eventual refere nian mandato to’o fulan ne’en, nian knaar mak atu desenvolve projeto sistema Identificador Unico ba Cidadãos Timorenses.
Komissão Téknika Eventual kompostu husi Ministériu 8 maka hanesan , MERLAP maibé agora muda naran ba fali PCM, Ministériu Justisa, Ministériu Finansas, Ministériu Solidariedade Sosiál no Inklusaun, Ministériu Edukasaun no Desportu, Ministériu Saúde, Ministériu Administrasaun Estatál, Ministériu Interior, Komisaun Funsaun Públika no TIC TIMOR rasik.
Ho rezolusaun Governu nian ida ne’e, atribui mós knar ba iha TIC TIMOR, hanesan Ajénsia ne’ebé maka koordena servisu ne’e tomak liga ba program UID, maibé TIC la servisu mesak no konta mós apoiu husi Ministériu Justisa ne’ebé maka sei sai sentru husi programa ida ne’e, tamba sistema rejistu hotu kona-ba dadus sidadaun nian ne’e barak liu iha MJ entaun sira maka loloos hanesan sentru husi programa ne’e tomak no hamutuk ho PCM nomós reprezentante Ministériu sira seluk.

Husi parte seluk, Diretor Geral Servisu Registu ho Notariadu nian, hato’o katak, Ministru Justisa fo ona orientasaun atu estabelese equipa forte ida nebe sei kompostu husi Téknico sira husi DGSRN nian, TI nian no Asssesoria Jurídika ho Legislasaun nian.
Iha buat balun ne’ebé sei presiza desenvolve iha tempu besik mai, mak:
- Defini Termu Referénsia ba Idetifikasaun Uniku nian,
- Dezena Id Uniku no halo laterasaun ba diploma balun nebe relasiona ho ID refere.
Equipa Ministériu Justisa nian sei servisu hamutuk ho Komisaun Tékniku Eventual hodi aselera projetu refere. DGSRN Ministériu Justisa nu’udar na’in ba projetu refere, sei koopera ho CTE, TIC hodi hala’o projetu refere no nian resultadu sei apresenta ba Konsellu Ministru hodi hetan aprovasaun, molok implementa.